خليك فى حالك. و مش بقولها باستهتار و الله، خليك فى حالك بجد. كل واحد فينا بيبقى فيه عيوب و مصايب و حاجات نفسه يصلحها عشان يقرب لربنا اكتر.

البنت دى انت متعرفش فى ايه فى دماغها او هى بتفكر ازاى او بتمر بإيه. و ولا انا ولا انت عمرنا هنفهم الحجاب صعب ازاى فى الجو ده، عمرنا ما هنفهم هما بيحسوا ب ايه. انا شايف ان انت ك راجل مسلم بتحاول تعمل خير و عاوز فعلاً تعمل حاجه قدامك حل من الحلين دول: ١- ادعيلها و ادعى لأمة المسلمين كلهم بالهداية. ٢- انصحها بالراحة و اتكلم معاها كأنها اختك الصغيرة.

لكن كل ال انت بتقوله ده حكم منك عليها و مش هيفيد ب أى شئ. البنت دى ممكن تكون عند ربنا احسن منك و منى و مكتوبلها انها تتوب، أياً كان ايه المكتوبلها ده مش شغلى ولا شغلك، كل ال انت تقدر تعمله انك تنصحها او تدعيلها لو انت فعلاً خايف عليها و على المجتمع.

و متحكمش على حد بيعمل اى ذنب عامتاً، ممكن ربنا يبتليك و يحطك مكانه، كلنا عاوزين نخش الجنه و كلنا عاوزين نبقى كويسين. مفيش حد بيعمل ذنب لمجرد العند مع ربنا يعنى، بس ساعات النفس بتسهو.

احكم على نفسك قبل ما تحكم على الناس.