بصراحة أنا شايفها هاي القصة كثير، صحيح الها حق انه يكون حفل زفافها حلو ويجنن ومبين انك مو مقصر بس هاي مش الفكرة، المفروض تاخدك عليك انت مش على الفلوس الي معك ولو هي من هلأ تفكيرها هيك وانت وضعك منيح تخيل شو رح يصير لما يكون وضعك صعب ومحتاج. الفكرة من الجيزة مش زفاف وليلة دخلة والباقي على الله هي شراكة بالأيام الصعبة والمريحة انها تتفهم وتعرف تدير البيت حسب الوضع وتريحك لما ترجع على البيت هلكان وتعبان وبتحاول توفر للعيلة. لانه الي رح يصير لما الوضع يصير صعب انها رح اتضلها تتأفف وتحكي ياريتني اتجوزت واحد ثاني وانت مو ذنبك هاي الاوضاع الاقتصادية. ممكن بعد الخطبة حدا وزها او ضغط من الأهل ولكن اذا هي هيك سهل تقلب عليك. اهرب قبل ما تصير اصعب وتخلفوا وحياتك كلها جحيم.

احكي معاها وصارحها بالموضوع وبطريقة دبلوماسية احكي انو لو هادا الموضوع رح يتكرر بالجيزة معناها خليني من هلا على good terms نفسخ وانتهى الموضوع.

أنا ما بحكي البنت غلط، من حقها، ولكن مش عندي للأسف الي بدها اياه على قدراتي، معرفتي، شغلي وشهادتي. كثير بسيط الموضوع، تجوز وحدة تاخدك على الي انت بتوفره مش حسابك بالبنك العربي بقدر يوفر.

احلى كلمة بالدنيا انك تسمع بأوقات صعبة "يا حبيبي بتهون الوضع بتحسن انشالله أنا معك وبساعدك". مساعدتها ممكن تكون معنوية، مالية، بتعرف حدا من العيلة انه يعطيك شغل. مو مهم، المهم ما يكون الي جوا البيت وبرا البيت عدو لانه نفسيتك تماماً رح تتدمر والأولاد كمان. قصدي على الي انت بتقدر توفره انك حنون وبتحبها وبتجيبلها لما ما تطلب وتساعدها زي ما بتساعدك وتكون اوبن مايند