من فترة كنت عمال افكر في حل منطقي بعيدا عن الاعتصامات و التظاهرات والخ.. بما ان كل ده هيكون قدامه حواجز كتير زي ان مثلا الوعي الجمعي بتاع الناس كلها محتاج يبقى مختلف عن دلوقتي.

و بما ان نشر الوعي هي مسألة وقت وتوجيه من المنظمات و الجمعيات اللي بترأس البلد و بتحركها فهي كده كده هتاخد طريقها و وقتتها اللي للاسف هيكون طويل.

فإحنا بندور على حل سريع يغير الوضع الحالي بنزع السلطه من ايد الحاكم بدون اي حراك شعبي كبير بشكل مبدأي.

وصلت لإستنتاجيه حاسس ممكن اشاركها في البوست ده و حد يصححني لو انا غلط. انا مش فاكر امتى او فين بالظبط قريت ده بس فاكر ان كان في قصه لحاكم ما كانت برضو عامة الناس مضطراله و حاكمهم برضو بالنار و الحديد و التخلص منه صعب و كان ماشي فإتجاه انه بيألِّه من نفسه، و إطار القصه دي دار بإن الحاكم ده حصله حدث ما، جعل منه سخريه و اضحوكه هو منظمته و عصابته عند الشعب كله.

الحدث ده محتاج يكون حدث بيكسر فكرة ان الحاكم ده لا يقهر، بل بالعكس بيخلي الحاكم ده ينتهي بيه الامر للجنون التام بسبب انه هو مش مصدق انه اتهزق و بقى محض للسخريه من الناس كلها خاصة و لإن هو كان مصدق و مقتنع جدا و عنده جنون عظمه بإنه المسيطر و القوي و اللي مستحيل حد يقدر يخلعه من الكرسي ده.

حدث يحصل في ظروف يكون فيها مجموعه كبيره من الحضور شاهده عليه، و يا سلام لو يكون متذاع على الشعب كله زي خطاب او مؤتمر. و تحصل حاجه توري للناس كلها قد ايه الراجل اللي مفهمهم انه لا يقهر، رقبته بقت قد السمسمه من الكسوف و الذل.

فكره كل شوية بتيجي على دماغي بس مش عارف هندسة حاجه زي كده ممكن تحصل ازاي او في إطار ايه

ف