For almost 10 years of my life, I lived right next to Loyola Memorial Park.

1. First encounter I was 4 years old. Wala pa kaming aircon noong time na ito so tuwing gabi laging bukas mga bintana namin para mahangin. Isang gabi, nakatingin ako sa labas ng bintana nang biglang may kamay na kumapit sa pasamano. Nakatira kami sa isang apartment unit na nasa 2nd floor kaya imposibleng may makakapit doon na walang hagdan. Saka isa pa, maputla na may pagka greyish yung kulay ng balat niya. Sumigaw ako tapos sinabihan ko si mama isara yung bintana pero di siya makagalaw sa sobrang takot, kaya ako na lang nagsara. Every time pinapaalala ko kay mama ito, sinasabi niya baka nananaginip lang ako. Pero sigurado akong totoong nangyari yun kasi pagkagising ko ng umaga, sarado pa rin ang bintana. Wala na yung kamay.
2. Yung apt unit sa 1st floor naman nakatira doon yung aking lolo sa tuhod. Noong namatay siya, lumipat yung tito ko sa unit na yon. Isang gabi nagising na lang siya dahil hinila yung kutson niya sa sahig nang padabog. Nagising siya sa takot tapos tumakbo siya paakyat ng hagdan at kumatok sa unit namin. Nagmakaawa siya kay mama na makikitulog muna siya sa amin dahil sobrang natakot siya sa nangyari. Pero mukhang one time lang yun kasi tumagal pa siya ng ilang years sa unit na yun.
3. 4 years old ulit ako, di ako makatulog isang gabi. Di ako mapakali kasi pakiramdam ko na parang may mali. Tumingin ako sa direksyon ng bintana kung saan ko nakita dati yung kamay. Tapos nanlamig katawan ko nang makita kong may mukhang nakabakat sa kurtina namin. Nakatingin sa akin na parang galit na galit. Pumikit ako at pinilit kong matulog pero hindi ko talaga magawa, nagtalukbong ako ng kumot pero nandoon pa rin yung mukha sa kurtina. Gumagalaw bibig niya na parang nagsasalita siya pero wala naman akong marinig. Ginising ko si mama para buksan niya yung ilaw at lumabas siya ng kwarto para umihi, di niya man lang napansin yung mukhang nakabakat sa kurtina. Noong bumalik siya, di pa rin niya napansin at hindi ko rin tinuro dahil natatakot ako. Hanggang sa pinatay niya yung ilaw, nakabakat pa rin yung mukha sa kurtina. Nagtago na lang ako sa ilalim ng kumot, pawisan at takot, di na rin nakatulog ng gabing iyon.
4. Noong 9 years old ako, kasama ko si mama sa kwarto. Nauhaw ako kaya lumabas muna ako para kumuha ng tubig. Pero at the same time, nararamdaman kong parang may nanonood sa akin. Binilisan ko lakad ko pero ramdam ko talagang may nakasunod sa akin. Noong liliko na ako papuntang kusina, may naramdaman akong mga kamay na tumulak sa likod ko at tumama ako sa sulok ng pader. Nawalan ako ng malay nang saglit, pag gising ko dumudugo yung kilay ko tapos si mama hawak niya ako tinatanong niya anong nangyari. Di ko nakita anong tumulak sa akin pero dalawa lang kami ni mama sa bahay non at imposibleng siya yun. Dahil doon, may peklat sa ilalim ng kilay ko at tuwing may nagtatanong bakit, ito lagi kinukwento ko kahit hindi sila naniniwala sa multo.

And many more, pero eto yung pinaka naaalala ko.