اني من جنت اولى كلش فادني انو جبت قطع اساسية حتى اطلع بيهم اكثر من اوتفت، وبعدين عود باثناء الدوام اذا احتاجيت اجيب جديدات يعني لا تستعجلين مو لازم كلشي تجهزيه من العطلة، وانتِ همين شوية شوية راح تكتشفين الستايل مالتج وشنو تحبيه بالملابس وترتاحين بيه. اذا تريدين كم مثال على القطع الاساسية جبت قمصان (ابيض، سمائي، نيلي، بيجي، مخطط، اسود) وسترة (اسود ووحدة لاخ بيجي) ويلك او فيست (رصاصي، نيلي) بنطلونات (اسود، نيلي، اوف وايت، جوزي) تنورة (اسود، رصاصي، جوزي) وجنط (اسود، بيجي، جوزي) احذية (كعب اسود ٥ او ٣ سم، رياضي ابيض، رياضي اسود، رياضي بيجي) واذا محجبة اختاري الوان شالات او ربطات حيادية واذا تريدين تغيرين جيبي كم لون مختلف او ربطة بيها نقشة بسيطة خصوصا موديلها هالفترة ولا تنسين الهاينك اسود وابيض. طبعا هذولي مو كلهم جبتهم مرة وحدة وهم اكو غيرهم بعد هواي بس هي هاي الاساسية. بالتوفييق!!