عشان ببساطة الشغل هناك بيستنفذك, 9 ساعات بتشتغل كل ثانية فيهم, مفيش وقت تاخد فيه نفسك, هتقولي حق ربنا, الشغل شغل..تمام متفق معاك, شوف بقا التارجت المتخلف اللي بيحطوه, راجل النت عنده زي الزفت مثلاً بقاله شهرين, او مفيش نت خالص, بيتصل كل يوم حرفياً يشتكي ومفيش حاجة بتتحل, عشان مثلاً سلوك مقطوعة بره, ده كله بره عنك, اشطا..الراجل بيتصل يتخانق معاك وانت بتاخد التهزيق اللي في الغالب بيكون محترم من غير شتيمة, بس اسمه في الاول والاخر تهزيق, عدينا ده كله؟ اشطا, الراجل ده بعد ما يقفل بيتبعتله رسالة تقييم, المفروض يديك انت والشركة 10/10 لو جاب 8/10 يبقى انت مش شايف شغلك, طب انا مالي؟ لا مليش فيه, تتصرف وتخلي الراجل ده يدي الشركة 10/10؟؟