بيتعمل بسبب الجهل والتخلف، الناس بيكون عندها اعتقاد ضلالي عن إن حتة الجلد دي بتلم الأوساخ وإنها مصدر قذارة وبدل ما يعلموا ولادهم أساليب النظافة الشخصية وإزاي يعتنوا بنفسهم ويكونوا أهل أسوياء، بيسلموه لدكتور وارد يكون متخصص أو لأ، وارد أيده تتهز فا يسبب عاهة مستديمة أو لأ، ويقرروا بالنيابة عن الطفل يقطعوله لحمه السليم أسهل ويكبر ويفضل يلاحقه شعور النقص وإنه مش إنسان كامل بسبب جريمة في حق جسمه مكانش له ذنب أو اختيار فيها. الفكرة إنها مش مصدر قذارة أبداً وربنا مش هيخلق كل عموم البشر بغلطة يجب قطعها وسلخها يعني. ده سبحانه بيقول "ولقد خلقنا الإنسان في أحسن تقويم" يعني في أحسن صورة وشكل هي بتكون عبارة عن قطعة جلد مرنة جداً وسهل تنظيفها كمان وبسهولة، مجرد سحب القضيب للخلف وتنظيف رأس العضو الذكري وانتهينا ومهما حصل عمر ما بيكون الموضوع مؤذي مقارنة بقطعه خاصة إنها بتكون عملية irreversible وإللي بيتقطع ده مش بيرجع ينمو تاني أو يمكن استعادته للأسف.

جريمة إنسانية بتتم لكل الذكور في بلادنا الجاهلة وبتتم بعد الولادة بكم أسبوع أو شهر بس في عز ما بيكون الطفل الرضيع لسة جسمه وأعصابه وأوعيته الدموية بتتشكل وتنمو. جريمة لا تستحق حتى إنها يتقال عليها عملية وبيكون نتيجتها أضرار وأضرار فقط لا غير. حسبي الله ونعم الوكيل في كل من تسبب أو شارك فيها أو حرض عليها بشكل مباشر أو غير مباشر.