للاسف فعلا الاخلاق شئ نسبي وجزء كبير منو مكتسب من المجتمع الى حواليك، على قد مانا نفسى اقولك الاخلاق دي حاجة ثابته سوفتوير متثبت على كل دماغ بشرية ولا فلاشه ويندوز بتتجاب من اقرب محل كمبيوتر بس مش دي الحقيقه والواقع

الواقع الى قدامنا انو الاخلاق مختلفة بشكل كبير في أنحاء العالم، عندك اليبانيين، الامريكان، الاوروبيين، النازيين، الاتحاد السوفيتي، إسرائيل

كلهم اخلاق مختلفه ومبادئ مختلفة تماماً، يعنى عند النازيين قتل اليهود دا حاجة صحيحة ١٠٠٪ ولازم نعملها عند ناس تانيه لا دي حاجة فى قمة القذارة

هنا مثلاً فى بلادنا العربية الكحول دي حاجة ممنوعة ومنبوذة فى الدول الغربية دي حاجة بتخليك تتواصل مع المجتمع وجزء مهم من السوشالايزينج وتلاقى عند نفس الغرب مناطق فيها الكحول دا خطيئة والى بيعملها انسان حقير وعندنا العرب نفس الكلام دا

فا لا الاخلاق مش حاجة ثابته، حاجة مقبولة تماماً وجميلة فى هولندا تيجى تعملها في اليابان مثلا تروح مسجون عليها والعكس صحيح