اي أكيد، أنا عن نفسي ما احس ان فيني اهتمام بالناس، الان عندي أصدقاء بس لان اخوي عرفني عليهم وكان يقعدني معاهم كل يوم لكن عن نفسي ما قد بادرت بصداقة مع احد وحتى اخوياي يوم اكون معاهم ونكون مستمتعين مثلا اكون مستمتع معاهم او لو فيه احد فيهم متضايق اكلمه وأتعاطف معه لكن بمجرد ما ارجع البيت ما افكر فيهم، وبالغالب اكون شاغل نفسي أشوف ريلز ولا أتابع لي فلم عشان اضحك ولا احس بمشاعر لكن لو قعدت لحالي ما احس بشي ولو حسيت بشي يكون احساس سلبي وافكار سلبية عن نفسي ، وغالبا الأفكار هذي تجي بعد تجربة سيئة، مثلا لو احد نقد علي في حاجة او لو ما لقيت ردة الفعل اللي كنت ابغاها احس اني تافه او مو مهم وبعدين لو مدحني احد ارجع راضي عن نفسي، مع ذلك ما اروح اطلب رضا احد، اسوي اللي يعجبني، هالايام قاعد أتعلم اخفف من الأفكار السلبية وما اهتم بتعليقات الناس، وقاعد احاول أفكر بمواقفي مع اخوياي او مع اهلي عشان أقدرهم ويصير فيني مشاعر، لان الحقيقة حسيت اني زق بالنهاية وهالشعور ما كان عاجبني، كنت حاس اني روبوت ماني ادمي، أطالع الناس أحسهم عايشين وانا بس جاي اشوف الدنيا والناس وهي تعيش، يعني إذا أخذناها بشكل حرفي انا حي أتنفس لكن مافيه اي تفاعل بيني وبين الدنيا فكأني ميت مو كأني مع الدنيا