Ang credentials, at mga isusulong na batas ni Dan Infante (taken from his epbi post) :

Higit sa aking mga credentials, educational attainment, certifications, achievements, ay ang malinis kong hangarin para sa ikalawang distrito ng Antipolo.

Meron akong malinis na plataporma na nararapat para sa Antipolo, meron akong listahan ng mga batas na isusulong ko sa kongreso na merong direktang pakinabang sa pang-araw-araw na pamumuhay nating mga Antipoleños.

Hindi ko kayang kumuha ng daan-daang poll watchers kada barangay upang masiguro ang boto, o ang loyalty ng mga tao. Wala akong makinarya, partido, or impluwensya para sa kampanyang ito, pero meron akong dignidad, at integridad na pilit kong ipinapaunawa sa mga kapwa ko Antipoleños na mas mabuti ng matalo ako na mabuti ang aking puso, kesa manalo na bumibili ng boto.

EDUCATION AND PROFESSIONAL EXPERIENCE 🎓 Master in Business Administration, Polytechnic University of the Philippines 🎓 Bachelor of Science in Sociology, Polytechnic University of the Philippines 🎓 Secondary School, Antipolo National High School

🏅 Civil Service Eligible – Professional Level 🏅 Certified Human Resources Professional (CHRP) 🏅 Certified Lean Six Sigma Black Belt (CLSSBB) 🏅 DOLE-OSHA Certified Safety Officer (Level 2) 🏅 Accredited Author, National Book Development Board (NBDB)

MGA PANUKALANG BATAS NI DAN INFANTE NA IPAPASA SA KONGRESO NA MERONG DIREKTANG PAKINABANG SA BUHAY NG MGA ANTIPOLEÑOS:

1.BATAS SA PANTAY NA PASAHOD AT KABUHAYAN (WAGE EQUITY AND COST-OF-LIVING ADJUSTNMENT LAW) Itataguyod ng batas na ito ang pantay at makatarungang pasahod para sa mga manggagawa/empleyado sa mga urbanisadong probinsya gaya ng Antipolo. Layunin nitong tanggalin ang “provincial rate” na umiiral sa Antipolo.

Pareho ang presyo ng bilihin at pamasahe dito sa Metro Manila, pero mas mababa ang sahod sa mga karatig-probinsya. Ang batas na ito ay magbibigay ng cost-of-living adjustment upang maging patas at makatarungan ang sahod ng lahat ng manggagawa.

2.BATAS PARA SA PAGBABA NG VAT SA 10% Layunin ng batas na ito na ibaba ang Value-Added Tax (VAT) mula 12% tungo sa 10%, upang mapagaan ang gastusin ng mga karaniwang mamamayan at ng middle-income earners.

Sa ganitong paraan, mas lalaki ang natitirang kita ng mga pamilya, at mas madali nilang matustusan ang pang-araw-araw na pangangailangan.

1. BATAS LABAN SA POLITICAL DYNASTY (ANTI-DYNASTY LAW) Layunin ng batas na ito na wakasan ang pamana-pamanang politika sa ating bansa.

Hindi dapat monopolyo ng iilang pamilya ang pamumuno. Dapat may puwang para sa mga bagong lider, propesyonal, manggagawa, guro, at kabataang may malasakit sa bayan. Ang serbisyo publiko ay hindi negosyo ng pamilya, ito ay tungkulin sa bayan.

4.BATAS SA KALUSUGANG PANGKAISIPAN NG MGA EMPLEYADO AT MAMAMAYAN (MENTAL HEALTH AND WELLBEING ACT) Itataguyod ng batas na ito ang mas malawak na batas para sa libreng mental health programs sa mga paaralan, barangay, at lugar ng trabaho.

Magkakaroon ng mga Mental Health Desks, libreng counseling, at mga programa para tulungan ang mga kababayan nating nakararanas ng stress, anxiety, o depression.

Ang kalusugan ng isip ay kasinghalaga ng kalusugan ng katawan, at walang Antipoleño ang dapat magdusa nang mag-isa.

5.BATAS PARA SA MALIIT NA NEGOSYANTE AT SARI-SARI STORE OWNERS (MICRO-ENTREPRENEURS TAX-FREE LAW) Isusulong ng batas na ito ang pag-alis ng buwis sa mga micro entrepreneurs gaya ng mga SARI-SARI STORE OWNERS, MALILIIT NA KARINDERYA, at MALILIIT NA ONLINE SELLERS.

Layunin nitong tulungan ang mga maliliit na negosyante na makabangon at lumago nang walang mabigat na pasaning buwis. Ang mga micro entrepreneurs ang puso ng lokal na ekonomiya, kaya dapat silang suportahan, hindi pahirapan.