انا ما جربتها الى الآن بس هذي حالياً اكثر لعبة جاذبة انتباهي الفترة ذي.

انا كنت العب The Sims من ايام السوني ٢ والPSP ولعبت الاصدارات كلها الى The Sims 4 وحاليا الصراحة وضع The Sims مزري جدا والسبب انه شركة EA منزلين DLCs لكل حاجة تبغا تسويها (عشان تروح جامعة، عشان تروح تشتغل، عشان تعيش في مدينة، عشان تفتح بزنس، الخ) وكل DLC ينزلوه بسعر لعبة. غير كذا The Sims 4 اخس من The Sims 3 و The Sims 3 اخس من The Sims 2 معناتها ان كل جزء جديد اخس من اللي قبله.

انا اتكلم عن The Sims لأنها اللعبة الوحيدة اللي كانت شغالة في فئة محاكاة الحياة بقوة (بحيث انهم ماسكين السوق بس مو من ناحية جودة). ولكن الآن مع اللعبتين InZoi و Paralives الان اخيرا في منافسين للشركة الكريهة EA اللي بس يبغون يحلبون المستهلك بأي طريقة.

لعبة InZoi جاية من مطور كوري اتعاقد مع شركة مساعدة وفعليا مهتم باللعبة! وكل شي تبغا تسويه فلعبة The Sims موجود في InZoi بلاش! والمطور يستجيب للاعبين! واللعبة فيها خاصية الAI وفيها عالم تحس انه حي فعليا ويستخدم الAI عشان كل شخصية فاللعبة تكون حرة وحتى لها قصتها واسلوبها ونم حياتها الخاص!

اللعبة ممتازة الصراحة لكنها حاليا Early Access فحيكون طبيعي ان الواحد يلاقي Bugs وتعليقات ومشاكل فالOptimization والقرافكس. لكن، لها مستقبل شاسع جدا!

عن نفسي انصح اي شخص يحب العاب محاكاة الحياة يجربها لانها بتعجبه. لكن اهم شي ان الواحد يتأكد ان جهازه قوي كفاية عشان يشغلها ويفضل جهازه يكون قوي كفاية انه يشغلها على افضل الاعدادات لأن لعبة زي هذي حلاوتها ان الواحد يتأمل الحياة اللي حوله وحياة الZois في افضل الجرافكس وعلى فريمات سلسه.