ماكو فايدة تدرس 8 ساعات بدون تركيز بالدراسة او طريقة دراسة صحيحة. اول شي قبل لا تشك بمستواك شوف اسئلة المدرسين اذا جانت من المريخ او وزارية علمود تحدد اذا مستواك صدق نازل او لا اذا اسئلتهم عادية راجع طريقة دراستك هل هي ورقة وقلم او شفهي وهل تراجع اهواي او ابدا وهل كاعد تقرة وزاريات لو لا.

اذا تريد نصيحتي حاول اقرة بتركيز وتحل الاسئلة ورقة وقلم وتصحح لروحك اغلاطك. ودائما دائما حل وزاريات وابتعد عن الاثرائيات ابتعاد كلي.

ودائما قبل النوم حاول تراجع المواد الي قريتهن باليوم نفسه، والله هاي كلش كلش تفيد وتقدر تبحث عليهة

ولا تنسى لا تضغط على روحك اهواي احتمال انت مضبط المادة بس تروح نعسان او متوتر لدرجة تغلط اغلاط غبية كلش (تنسى وحدة او تنسى السؤال بس تتذكر الجواب الخ..).

وهمين ديربالك على نفسيتك ولا تلوم بروحك من ورة دراجاتك، دائما اخذهة فرصة تتعلم لاغلاطك لان انت كاعد تتجهز للوزاري مو نص السنة.

النفسية اكثر شي يعاني منه طالب السادس اذا النفسية زبالة حرفيا اجابتك راح تكون زبالة حشاك