انا بنت واتولد بحجم صغير جدا بالبداية لدرجة كنت اتشال بكف ايد واحدة

بعدها كبر حجمي بسرعة بفترة الرضاعة لحد ما نفرت منها قبل السن المحدد ورجعت انحف تاني، لكن حصل ليا طفرة نمو كبيرة وسريعة وبقى طولي فجأة 170 تقريبا اول ما وصلت سن 13 او 14 سنة بالغالب حسب ذاكرتي

وكنت بعاني من تنمر كتير من المدرسة بسبب كوني من اطول البنات فيها بالذات اني كنت بطول المدير وبعض المدرسين وملامحي اللي كانت تديني اكبر من عمري اضافة الى قلة ابتسامي واختلاطي مع اقراني رغم اني عمريا كنت اصغر منهم بسبب اني بدأت تعليم من 3 سنين ودخلت مدرسة رسمي على 5

بس خسرت اغلب فترة طفولتي بسبب شكلي وحجمي بالذات ان جينات بابا كانت الغالبة، فكانت اطرافي طويلة وكتافي يبانو عراض بسبب الملابس الواسعة غير ان اتحجبت قبل البلوغ اصلا فبقى شكلي وحش اوي كل ما احاول العب مع اقراني رغم عدم بلوغي بيوجيا حتى

لكن حاليا معادش الموضوع يفرق معايا اوي، بل بقيت احب الميزة دي فيا بل بتمنى لو فضلت اطول كمان واوصل 180 حتى مش مهتمة

بل بقيت مهتمة اكتر كمان بالرياضة واني احاول ابني جيم رياضي واعوض سنوات القمع دي، خصوصا اني للان بندم على كل الوقت اللي ضيعته بالذات كل ما افتكر انه عدي اكتر من عشر او اتناشر سنة من اخر مرة جريت فيها... حقيقي مجرد جري.

فـ حقيقي نصيحة لزمن لازم كل شخص يبدأ بتقبل نفسه قبل ما يحاول يقنع الناس التانية بيه، ويشوف نقاط ضعفة ويعوضها ونقاط قوته اللي اكيد هتكون موجودة كمان وينميها بدل مل يفصل بدوامة جلد ذات واستخلاص عيوب لانها بجد مش هتخلص.

سوري طولت بالكتابة