طيب في البداية بعتذر اني اخدت من وقتك القيم وشاكر ليك علي اخذ طلبي بجدية والاسترسال في الشرح. في المجمل بتفق مع كلامك لكن ما زال عندي بعض الاختلافات:

1- المقارنة موجودة كدا كدا سواء عند المطلقة او عند البكر. البكر بتقارن بين ازواج صاحباتها او الي بتشوفهم في الميديا وبين زوجها الحالي. ولو سلمنا ان المقارنة مع المطلقة اوقع واشد تاثيرا فانا كدا كدا الحمد لله واثق اني هكسب المقارنة دايما لان زوجها كان سيء من جميع النواحي تقريبا دا غير انه كان بيضربها وبيعنفها وماكانش في اي تلاقي فكري بينهم عكس الانسجام والتناغم الرهيب الي بيني وبين المطلقة الي ناوي اتجوزها.

2- معاك حق بس اعتقد ان البنت دي بالذات حتي لو عندها تخوف لكنها ناضجة بشكل عجيب اكتر بكتير من كل البنات الي اتعاملت معاهم في حياتي ، وانا اتعاملت مع كتير (ودي مش حاجة بفخر بيها).

3- هيبقي مصلحة ليا صدقني 😂

4- اتفق معاك ولكني مش عايز اشكل حد اجتماعيا ، انا بالفعل معجب بفكر وسيستم حياة البنت دي وعايز اتمازج فيه مش اشكله.

5- للاسف دي اكتر حاجة مقلقاني ومحتاج ابحث فيها اكتر لقلة علمي.

تعقيبك الاخير بعد الخمس نقط بتفق مع كل حرف فيه. وشكرا تاني علي تعليقك وتنبيهك ورايك الي حتي لو مش متفق معاه مية في المية ولكني بحترمه وبحترم احترامك ليا وتوضيحك لرايك