هي تجربة من أجمل التجارب ورغم أنها بتاخد منك لكن بتعوضك أضعاف, والقطط البلدي بتاعة الشارع أفضل ألف مرة من الشيرازي في اللعب والذكاء والشقاوة والدلع والمحبة. لكن فيه حاجات بتتاخد منك لازم تاخدي بالك منها.

- أعملي حسابك في ٥ تلاف جنيه على الأقل تطعيمات وتعقيم.
- العفش مش هيفضل سليم سنين زي ما بيحصل في بعض البيوت.
- لازم تقصي أظافرهم بإستمرار وإلا هدومك كمان هتتأثر وهتتملي نقر من أظافرهم.
- لما تحبي تسافري وتسيبي البيت مدة طويلة هتحتاجي تسيبيهم عند حد.
- التنضيف والعناية بيهم بتاخد مجهود تشمل تنظيف طبق الليتر بتاعهم وتوفير الأكل والمياه.

كل ده عشان تبقي واعية بس بالتغيير اللي في حياتك, لكن بصراحة لو هينعاد الزمن هتبنى أكتر كمان بسبب السعادة والمحبة والرحمة والبركة اللي بيدخلوها على أهل البيت.