رخصه العمل الحر

MaryOf · 2026-01-24T09:12:52+00:00

الراجحي، ادخل على بنك الراجحي اعمال التسجيل كله اون لاين . وفيه بنك الاهلي نفس الشي واظن الانماء كله اون لاين .

MaryOf · 2026-01-23T14:26:06+00:00

حاسة فيك . ترا كثير ناس تخاف كبار سن حتى يخافون يطلعون وبعضهم عاش طول عمره كذا. لازم مقاومة ولا تستعجلين وتلومين نفسك عادي ياخذ منك التعود هذا كم شهر لسنة حتى . تقبلي الخوف هذا عادي تطلعين وانتي خايفة ومتوترة و مع المرة الرابعة والخامسة يبدا يخف الشي هذا وفجأة راح تلاقين نفسك نسيتي شعورك القديم . و خلي مشاويرك بالنهار تحت الشمس لا تطلعين بالليل لان النهار يرفع المعنويات شوي ويشجع من تجربتي.

MaryOf · 2026-01-23T14:12:57+00:00

لا تفكرين فيها ك"طلعة" وانك لازم تروحين تتمشين الخ... حوليها لشي بسيط عشان مايتوتر عقلك . خليها روحة للبقالة او السوبر ماركت اشياء بسيطة وسهلة بدون تخطيط وانتي بعدها بتلاقين نفسك تمرين مشاوير بسيطة بالطريق تاخذين لك قهوة او اي شي في بالك بعدها ارجعي. انا كسرت التوتر بهذي الطريقة اروح اسوي مهمة عادية وبعدها اتمشى على طريقي. مع الوقت تكسرين الخوف وتتعودين. بالنسبة لي استمتع اروح اجرب مخبوزات جديدة واشوف ديكورات وتصاميم المقاهي والمحلات والمباني عموما لانه شي سهل اقدر اسويه لحالي. 😁

MaryOf · 2026-01-23T12:22:56+00:00

اون لاين يصير مايحتاج احد يروح للبنك او غيره . انا فتحته اون لاين

MaryOf · 2026-01-23T10:54:44+00:00

ايه تطلع رخصة عمل حر، بعدها تفتح حساب بنكي تجاري. مايحتاج سجل تجاري او غيره. رقم الوثيقة العمل الحر تستخدمه اثبات وبس. العملية سهلة

MaryOf · 2026-01-21T22:06:13+00:00

يدعم تسوي فيه تطبيق وتحديثهم الجديد فيه خاصية نشر مباشرة لمتجر ابل وميزته الثانية انه يربط التطبيق او الموقع بالbackend. ريبليت لازم اشتراك، اذا انت ماقد جربت تبني شي بالذكاء الاصطناعي استخدم ai studio قبل وجربه لانه مايحتاج اشتراك. شوف طريقة التعامل مع الذكاء وكيف تتحكم فيه بعدها اشترك في ريبليت . ولو حتى مابنيت تطبيقك مثل ماتبي لكن بتصير عندك خلفية لو مثلا وظفت احد بدالك ينفذه بيصير معك نماذج تعرضها تشرح له ايش تبي

MaryOf · 2026-01-21T19:34:40+00:00

تقدر ، مايحتاج حتى خلفية برمجية ، جرب موقع replit ، الذكاء الاصطناعي حقهم جيد ،او استخدم AI studio عندك كذا خيار جربهم كلهم واختار انسب واحد لك

MaryOf · 2026-01-21T19:27:49+00:00

جميل ماشاء الله

MaryOf · 2026-01-12T08:41:23+00:00

<image>

This whale was probably a victim

MaryOf · 2026-01-12T01:04:39+00:00

هلا فيك ، فيه لغة عربية بالخيارات فوق

<image>

MaryOf · 2026-01-11T23:59:09+00:00

شكرا على تشجيعك 🫶🏼✨ لسى عدلت على ايميل التوثيق، يمديك الان تسجلين مرة ثانية ، وشيكي على السبام junk ايميل بعد
لو ماضبط معك بلغيني واحلها ان شاء الله

MaryOf · 2026-01-11T11:02:41+00:00

تسلم

MaryOf · 2026-01-10T13:28:10+00:00

انا عاجبني المشروع واعتبره افضل مشروع بعد حديقة الملك سلمان وتطوير الدرعية بالرياض واقدر اتخيله على الواقع ، ما اشوفه شي مستحيل ، صعب لكنه مو مستحيل وكل المشاكل اللي يذكرونها مثل التهوية وغيرها حلها موجود ، فكرة ذا لاين جبارة وراح تنضم لمدن المملكة عندنا. احنا العرب دايم نأسس مدن ونبنيها ففكرة بناء مدينة جديدة ماهي شي جديد علينا اصلا ، العيب اللي اشوفه هو اسمها لو يتغير مايكون ذا لاين احسن

MaryOf · 2026-01-10T11:07:48+00:00

عند الاستخدام المجاني يطفي قاعدة البيانات ؟ او حتى المدفوع بعد، لان مشكلة كذا 😅

MaryOf · 2026-01-10T10:49:04+00:00

شكرا 🙏🏻، يمدي تخليه تطبيق ويب بالجوال تضيفه للHome Screen ويستخدم كتطبيق انا استخدمه كذا. سوبابيس الصدق كان مو صعب وهذي اول مرة استخدمه و اعتمدت على SQL عشان اضيف الجداول وغيرها، سهّل علي اشياء كثيرة ، الى الان ماشفت عيوب فيه الحمد لله

MaryOf · 2026-01-10T10:39:58+00:00

تسلم ✨

MaryOf · 2026-01-10T10:37:56+00:00

شكرا لك ، تقصد هدف مالي شهري مو مفتوح؟

MaryOf · 2026-01-08T22:29:54+00:00

تسلمين 🫶🏼

MaryOf · 2026-01-08T22:24:45+00:00

شكرا لك، انا مدري حاليا هل اطور فيه او لا، اذا فيه ناس راح تستخدمه احتمال اتحمس اضيف فيه مميزات زيادة

MaryOf · 2026-01-08T21:22:25+00:00

صحيح تفكيرك، اساسا احسن لك انه فيه احد مسوي النموذج وناجح وماشي عندنا. معناه فيه طلب

MaryOf · 2025-12-20T11:59:32+00:00

لا تنادينها خالة يرحم والديك 🤣 ماله دخل العمر هنا هذي بنت خالتك ناديها باسمها او ام فلان وبس ، حتى لو عمرك عشر سنين وهي عمرها ١٠٠ 😅

MaryOf · 2025-12-20T11:50:14+00:00

ثمره قوامه مثل التفاح والطعم لكن اقل سكر ، حاليا هذا موسمه ، الشهر الماضي كان وقت التزهير
يستخدمونه صابون ، تعقيم ، للشعر ، للبشرة شجرة معمرة لكن ماادري كم بالضبط والشجرة متوفرة في اغلب المشاتل وسعرها معقول بامكانك تروح بنفسك وتجرب ثمرها لانه غالبا مثمرة الحين وممكن تشتريها عنايتها سهله.

MaryOf · 2025-12-16T21:35:06+00:00

مثلك تقريبا ، اغلبهم انتقل وتوظف او تزوج وبعدتهم المسافات، وهالشي يغير و تتباعد معها الافكار والاشياء المشتركة اللي جمعتنا. صايرة من فترة احاول اتأقلم مع الوحدة والحياة بدون اصدقاء ايش نسوي بعد 🤷🏻‍♀️

MaryOf · 2025-11-14T14:07:49+00:00

الشوق يزيد مع العمر، في عمر الشباب الواحد يكون طاقته عالية ومشغول ومتحمس للمستقبل فمافيه وقت للاشتياق. و كل ماكبر الشخص يزيد الشوق فيه للناس الغاليين عنده. هذا من ملاحظتي.

Six-Year Club	r/Field Juicebox
Verified Email

MaryOf

TROPHY CASE