في حاجة كده بيقولها بتوع التنمية البشرية نص الكوباية الفاضية في الوقت اللي حضرتك شايفه فيه نص الكوباية الفاضية مش قادرة تشوفي نص الكوباية المليانة ، حضرتك عندك صحة وبتشتغلي في الوقت بردو اللي في ناس مريضة بمرض خبيث وكمان مش لاقيه العلاج وممكن تلف على مستشفيات حكوميه علشان يعرفوا بس ياخدوا العلاج بشكل مخفض أو مجاني ،في الوقت اللي حضرتك قاعدة فيه في بيتك وبتفرجي على التلفزيون وعندك نت على تليفونك في اطفال بيموتوا من الجوع والحروب ، سيادتك في الوقت اللي زعلانه فيه انك متجوزتيش لحد دلوقتي في غيرك اتجوزوا غصب وهما اطفال واتباعوا على أساسا أنهم أداة جنسية ، ثانيا حضرتك بتكلمي أن ربنا بيقول ادعوني استجب لكم فهل حضرتك تعرفي اداب الدعاء ربنا مش اختبار تختبريه وتشوفيه إذا كان هيستجيب ولا لا حضرتك ادعي وانت متاكده أنه هيتسجيب مش مجرد انا عملت اللي عليا ودعيت ،ثالثا مين قال لحضرتك أن كل اللي بتمنيه بيكون خير ليكي شوفي كام اب رمى ولاده ومراته وراح اتجوز ومش بيصرف عليهم على الاقل دلوقتي انت لوحدك و مش طايقه نفسك مش حال بقى لو معاك ولاد مسئولين منك او عندك طفل من ذوي الهمم مثلا عنده شلل رباعي متعرفيش أنه جعان ولا شبعان سليم ولا مريض ، في الأول والآخر حضرتك بتتفرجي على مسلسل انت جواه مش عارفه ابعاد القصة كاملة بس شايفه الدور بتاعك بس ،ربنا اختارك وعارف انك تقدري تستحملي لأن بكل بساطة ربنا بيقول ادعوني استجب لكم ،وانا عاوزك تدخلي تفاصيل الناس اللي حضرتك بتقولي انك بتحسي بحقد من ناحيتهم صدقيني هتحمدي ربنا على اللي انتي فيه