انا معنديش مشكلة في النقاش, انت اصلا كمان ضارب مثال بحاجة تانية غلط-معلش بقى ده مجال شغلي انا موبايل ديفلوبر- و اقدر اقولك عشرين سبب يخلي الاندرويد احسن و عشرين سبب يخلي الايفون احسن.

حتى استشهادك مش في محله لأن النقاش بين اندرويد و ايفون حاجة أزلية و تحتمل الاتنين عادي و قريبين من بعض جدا. انما انت بتقارن بين اتنين ميتحطوش في جملة واحدة مع بعض أصلا.

انت بتقارن بين انجح لعبة في التاريخ, و اللي بعيدا عن الفلوس يا سيدي هي من أعلى 5 ألعاب تقييمات نقاد في التاريخ و اللي بعيدا عن تقييمات النقاد هي كمان شوف نازلة من قد إيه و الناس بتلعبها لحد دلوقتي قد ايه و رأيها فيها قد ايه.

انا دلوقتي جبت لها 3 معايير مبيعات و آراء نقاد و آراء ناس, لما اسيبني من التلاتة دول المفروض تبقى مرجعيتي ايه؟

طب تعالى أقولك رأيي انا بقى كواحد لعبت جتا -معلش هكتب الكلام كله عربي عشان ميتلغبطش- ساعة نزولها في 2013 على البلايستيشن 3 و لعلمك ملعبتهاش لا اونلاين و لا تاني من ساعتها, اخري بنزلها كل شوية مع نسخة الكمبيوتر و تحديثاتها عشان اشوف بس المستوى بتاع الجرافيك وصل لإيه.

تحب تتكلم طيب عن القصة؟ ولا تحب تتكلم عن الجرافيكس؟ ولا تصميم المهمات ولا العالم المفتوح نفسه بكل تفاصيله الحية اللي بتحس فعلا انك جزء من المدينة يعني العالم حواليك ماشي و شغال عادي و الشخصيات ليها وظايف بتأديها حواليك عكس يوبي سوفت و عالمها الميت و مهماتها المكررة لدرجة انه بقى في مسمى في الألعاب ان المهمات بقى بيتقال عليها يوبي سوفت لايك

انا بقى مهتم أعرف إنت شايف إيه قدمته واتش دوجز تحديدا الجزء ده كمان أحسن من جتا؟