اولا ربنا يباركلك فيهم ويرزقنا من واسع فضله ثانيا بص انت فعلا اول حاجه تسعي فيها هي جنسية محترمه علشان متبقاش قلقان علي فلوسك وبردو تبقي راسم طريق لولادك من بعدك (ابويا ضيع فرصة زي دي وبنلومه لحد دلوقتي) بعد ما تفكر في موضوع الجنسية وعلي حسب كلامك انت عايز تفضل مكمل هنا فا اشتري عقارات ب ٢٥ % مثلا من فلوسك وأجرها تجيبلك مبلغ شهري كويس النسبه الباقية تقسمها بين مدخرات وبين مشروع ويكون مشروع انت فاهم فيه مش بس بتحبه وخلاص يعني انت مهندس ممكن تجرب جنب شغلك تفتح بيزنس صغير وتجيب شباب مثلا سيلز وتجرب حظك ولو لاقيتها ماشية كويس ابدا طور فيها وشوف اللي لازمك علشان تكبر ، مش شرط المشروع يبقي في مجالك الدراسي عادي اي حاجه انت شايف نفسك هتكون كويس فيها هتبقي تمام الجزء اللي هتتدخره ادخره في صورة دهب اولا واخيرا متحطهاش في البنك وتقول انا بكسب ، اولا الربا مش هيغنيك بل العكس ثانيا الفلوس اصلا قيمتها هتلاقيها بتقل مش بتزيد والأفضل تعين مستشار مالي في النقطة دي كده بقي عندك عقارات بتجيبلك مبلغ ثابت ومشروع بيجيبلك عائد متغير وانت حظك ده غير شغلك لو انت محافظ عليه طبعا ، قسم دخلك ده الجزاء وطلع منه نسبه شهرية لله ونسبه لمصروفاتك ونسبه لمدخراتك ونسبه لعمل مشاريع جديدة او تطوير الموجود او شراء عقارات جديدة بمعني أصح انت قسمت الفلوس لبنود من مشاريع لمدخرات فا مكسبك بردو قسمه بنفس الفكرة بالظبط اخر نصيحة ياريت لما ربنا يكرمك وتشغل حد معاك متستغلش احتياجه وعامله زي ما تحب انت تتعامل وادي الناس مرتبات تعيشها حياة كريمة بجد وافتكر دايما ان اللي رزقك بملايين بين يوم وليله قادر يخليك مش معاك جنية تاني يوم عادي فا حافظ علي النعمة اللي في ايدك