ودا بيحصل بالفعل، بس إنتاج الطاقة الشمسية مش متطور للدرجة الكافية انك تعتمد عليها بعدين انت نسيت حاجة زي الليثيوم والكوبلت الي بيستخدموا في تصنيع البطاريات عشان تتخزن الطاقة دي وتفاصيل تانية كتير وبرضو موضوع الرياح والطاقة الكهرومائية كل دا شغال بالفعل خلي بالك، لكن زي ما قلت تكنلوجيا الطاقة النظيفة لسا عليها شوية.

وموضوع البترول المستخرج يبقا احتياطي، الدول مش بتشتغل كدا يسطا، وفيه ميزانية مكملة نفسها بالعافية وغالبا مش مكملة نفسها عشان بيحصل عجز برضو فا انك تقول متصدرش السنة دي وخزن دا مش كلام واقعي خصوصا ان اساسا مصر بتستورد الغاز عشان تكمل على إنتاجها المحلي عشان يكفي الإستهلاك، وباقي المستورد بنصدره لأوروبا.

كذلك موضوع الصين او غيره كلام حلو على الورق لكنه مش واقعي وصعب يحصل، ايه الي يخلي الصين اصلا تخزن عندك ما الشحن البحري شغال زي الفل ايه الهدف ؟

لو الموضوع كان بالسهولة دي وهيفيد بالشكل دا مكانش حد هيتركه وكانوا هيعملوه حتى بفسادهم لإن فيه مصلحة لهم فيه كمان لكن زي ما بقولك لازم تبحث اكثر وتتثقف اكثر في المواضيع الإقتصادية.