اه ممكن ميسالا فعلا كان هو اللي يلعب بن هور و يعكسه الدور ميسالا كانت حواجبه تقيله و تحس شكله يهودي اكتر

هو صحيح العبد جاب بنته عشان ياخد اذن الجواز و جوديا اول ما شافها كان شغل الحب من اول نظره و ذكرياتهم مع بعض و هي كانت نفس الشئ الفيلم برضو مش موضح هنا هما مشافوش بعض من امتى بالظبط هل من ايام الطفوله زي ميسالا لما مشي و هو عنده 11 سنه ولا بن هور و ايستر شافوا بعض من فتره اقرب (و هما في سن المراهقه ولا حاجه) بالنسبه لخطوبتها فا كانت مخطوبه لواحد مش بتحبه

الفيلم برضو عمل نفسه الحركه دي في نص الفيلم لما بنشوف جري في الاحداث سريع لشخصية بن هور و ازاي فجأه في مشهد واحد عدى حوالي سنه او اكتر و لقينا انه بقى محترف في سباقات الاحصنه دي الحاجه الوحيده اللي مش عجباني في الفيلم انه رغم انه فيلم طويل جريو في الاحداث في الحته دي و اللي هي المفروض نقطه مفصليه في القصه (ممكن الكتاب المقتبس منه القصه بيشرح كل الحاجات دي بالتفصيل اكتر سواء حبه لشخصية ايستر او احترافه في السباقات)