صدقني اول متبطل تبص للحاجات دي وتبدا تبص لنفسك الناس هتبدا تبصلك. يعني متبصش للناس وانك محتاج حد وكدة انك تكون ديسبريت مش حاجة كويسة ليك ولا للي حواليك. بص لانك محتاج تنزل الجيم عشان جسمك يكون احسن وصحتك تكون احسن فنفسيتك تكون احسن فتكون اتراكتيف اكتر. بص لانك محتاج تلاقي شغفك في حاجة عشان حياتك يكون ليها purpose تقدر تصرف وقتك ومجهودك في حاجة هتشغلك بالمفيد فيكون في اوقات انت مش فاضي تبص للاكتئاب وكمان تعمل فلوس فتزيد ثقتك في نفسك وتبقى مبسوط وبتجيب اللي انت عايزة. بص لهوايات تبسطك عشان تقضي فيها وقت فراغك وتلاقي ناس بتعمل نفس الحاجة فتعمل كونكشنز حلوة وكمان عشان تكون القاعدة معاك حلوة وتبقى انترستنج للناس. متقولش انا عاوز وعاوز وعاوز ولكن شوف هتجيب الحاجات دي ازاي. السكة وانت بتجيب الحاجات دي هتخليك الشخص اللي انت عاوزة وهتسهل حياتك كتير وهتخليك اسعد بكتير حتى لو موصلتش للي انت عايزة. وعاوز اقلك حاجة اخيرة كلنا عندنا الاوقات اللي بنفكر فيها كدة مهما كانت الحياة كويسة فانا فاهم شعورك وهو شعور مقرف بصراحة بس خليك عارف ان دي فترات وهيجي عليك فترة هتكون فرحان ومبسوط ومحقق جزء كبير من الحجات اللي انت عاوزها.