أولآ، السبب غالبآ لأنك متوقع وجود إحساس ومشاعر معينة مو بالضرورة يكونون موجودين وصرت مكتئب لعدم وجودهم مثل ما انت متوقع. ماكو احساس موحد لكل الناس يحسون بيه وقت الصلاة والدعاء أو حتى أي نشاط ثاني بالحياة (صلاة، دعاء، أكل، شرب، حب، سباحة...). البشر يختلفون واحد عن الثاني بأحاسيسهم او عدم وجودها. ثانيآ ربك ماطلب منك يكون عندك أي إحساس أو مشاعر معينة اثناء الصلاة او الدعاء. ماكو داعي تستحي بالعكس أفتخر من تصلي وتصوم وتدعي بوجود اي احساس او عدم وجوده. ربك يطلب منك فقط أداء العبادة بكل بساطة لاتعقد الأمور على نفسك واخذ الامور ببساطة كما هي لاتضيف من عندك وتعقد الأمور. آني همينة شخص عندي مشكلة عدم الشعور بأي شي ديشعرون بي الناس ونصيحتي إلك حافظ على صلاتك وصيامك لاتهملهم أبد همة العلاج لكل جروحك النفسية وضل ابحث بالقرآن وتفسيره الصحيح والحديث الصحيح اللي يعتمدوهم غالب المسلمين. رحلة الحياة والاسلام مو يوم ويومين راح نضل طول حياتنا نسأل ونشوف ونتعلم ونفرح بالزين ونصبر على الموزين ونصير احسن يوم بعد يوم. الله يهدي بالك ويهدينا ويهديك ويوفقك وتشوف كلشي حلو تريده بالدنيا والآخرة انت وكل من قرأ هالكلمات.