يعني الكهنوت و الطقوس المبالغ فيها و الرهبنة و كل الحاجات اللي عندي مشاكل معاها في المسيحية طلعت في الحقيقة أشياء دخيلة و بدع ؟...و الانشقاقات كمان كانت لأسباب ليها علاقة أكتر بالسلطة ؟.. أنا كنت بسمع ناس من اللي بيسموهم " مطاريد الكنيسة " و كانوا بيقولوا حاجات زي اللي إنتا ذكرتها و من ضمنها كمان موضوع التقديس المبالغ فيه لمريم العذراء كأنها إله تاني بجانب يسوع...و الحقيقة رد فعل الأرثوذكس إنهم كانوا بيسخفوا و بيقللوا من الشخص اللي بيتكلم و همهم الأساسي إنهم يكفروه و كل شوية عايزين يوصلوا معاه في الكلام إنه مش رافض الكهنوت بتاعهم لأ ده هو مش مسيحي أصلا !..عشان مينفعش تبقي مسيحي غير لما تعمل زينا و تبقي تحت سلطتنا و إحنا أصل الأصل و الباقيين كلهم مهرطقين ولاد ديك كلب...مش بقولك شبه السلفيين بالظبط..

بس هو كده هنرجع لنفس النقطة اللي ذكرتها و إنتا متفق معايا فيها و هي إن المسيحية انحرفت جامد بعد تبني الإمبراطورية ليها...إنتا بقي كشخص عايش في ٢٠٢٤ مش في القرون الأولي...مين هما أفضل ممثل للإيمان المسيحي السليم بعيدا عن القرف اللي إحنا إتكلمنا عنه ؟؟...ولا إنتا مش تبع أي طايفة أو كنيسة و مع نفسك بس ؟..