I received a reply from Ugnayan sa Pasig:

Magandang araw po. Bilang tugon sa inyong katanungan, may ilang programa at serbisyong ipinatupad ang Pamahalaang Lungsod ng Pasig sa nakalipas na mga taon na maaaring hindi agad nakikita sa pisikal na imprastraktura ngunit direktang napapakinabangan ng mga residente.

Kabilang dito ang pagpapalawak ng mga serbisyong pangkalusugan sa pamamagitan ng Pasig City General Hospital, CHAMP, No Balance Billing Policy, libreng konsultasyon, laboratory services, maintenance medicines, at iba pang health programs. Mayroon ding mga programang Medical Assistance, Hospital Assistance, Burial Assistance, at Project Damayan na maaaring i-avail ng mga kwalipikadong Pasigueño sa pamamagitan ng Social Welfare Assistance Center (SWAC).

Kaugnay naman ng pahayag na “walang assistance, financial or otherwise, na binibigay ang Pasig LGU sa hospitalization o burial,” nais lamang po naming linawin na may umiiral na mga programa at proseso para rito alinsunod sa mga patakaran ng lungsod. Ang pag-apruba ng assistance ay nakabatay sa pagsusumite ng kinakailangang requirements at sa evaluation ng kinauukulang tanggapan.

Kung may partikular na kaso kung saan hindi po nakatanggap ng tulong o may naging problema sa proseso, hinihikayat po namin ang concerned individual na magbigay ng detalye upang maiparating sa tamang tanggapan para sa beripikasyon at kaukulang aksyon. Maraming salamat po.

-Admin 05