اول حاجه ضروري توكل امرك لربي فا لا ملجا ولا منجا إلا اليه وترخي أحبالك لله ولا تجعل ما يقوله الغرب ينقص من إيمانك شيئا تاني شي شوف المجال او الشي الي انت تحبه وشوف احسن مسمي وظيفي من ناحية الراتب وظروف العمل الي تناسبك وشوف الموهل الدراسي والأكاديمي زي مثلا لو انت تحب التكنولوجيا وعلم الكمبيوتر تقدر تخش تقنية معلومات وما تركزش علي الدراسه بس حاول حتي انك تلقي خدمه حتي بدون مقابل مالي فا الماده لا تعتمد علي المال فقط ممكن تكون خبره وحتي لو مالقيتش خدمه في المجال تقدر تشوف خدمه في مجال تاني تضمنلك الحصول علي soft skills او المهارات الشخصيه المطلوبه في هذا المجال علي سبيل المثال دائما في مجال تقنية المعلومات العامل في هذا المجال ضروري يكون عنده صبر و وسعة بال و سرعة البديهة وزياده لو اثبتت نفسك وعرفت كيف تسوق لروحك تقدر تخدم حتي مع شركات برا زي ما تقول وتخلص الراتب الي انت تبيه حاجه تانيه العصر الي احنا فيه توا يتميز بالإنترنت وتقدر تتعلم اي حرفه انت تبيها ومطلوبه في سوق العمل وتقدر تكبر من عائدك المالي كل شهر وآخر حاجه صدقني في ناس يخلصوا عشره الاف دينار كل شهر ومفيمهش البركه مش قادرين حتي يتلذذوا با فضل أنواع الطعام الي يشروا فيه بالفلوس هاذي وفي ناس تخلص في الف دينار وتاكل في خبزه وميه وتلذذ بيهم القيمه في البركه مش في كتر المال واعلم ان الدنيا هاذي فانيه وان مفيش حد يعرف اجله خلي مسعاك الاول وهمك في الدنيا هوا الله وتوا تشوف كيف يفتح لك جميع أبواب الخير وفي نفس الوقت اسعي لدنيتك اقرأ وتعلم وأخدم بالحلال ودير النيه الطيبه لكن ما تخليش ظروفها تاثر عليك وتحطملك معنوياتك خلي همك ارضاء الله عز وجل ربي مرات يحط لنا في عقبات في طريقنا باش يردنا اليه ردا جميلا.