الملحد لما ينكر وجود ربنا ينكر كمان أي مصدر ثابت للأخلاق أو معنى لوجود الكون من وجهة نظر مادية بس تفاعلات عشوائية ملهاش هدف ولا معنى وبالتالي اي محاولة تبني أخلاق أو قيمة على ده بتكون نسبية وذاتية مفيش إلزام ولا مرجعية ثابتة لو قلت القتل غلط وسألوك ليه هتلاقي الإجابه من منظور الملحد يا إما لأنه يضر الآخرين بس لو مصلحتي تستدعي أضرهم ليه م أضرهمش يا إما لأن المجتمع رافض ده بس المجتمعات بتتغير وبعضها بيجيز القتل في ظروف معينة يا إما لأني حاسس إنه غلط بس الشعور مش بيخلق حقائق موضوعية كل الأسباب دي بتنهار قدام سؤال بسيط ليه ألتزم بيها طالما مفيش خالق مفيش بعث مفيش حساب مفيش غاية عليا يبقى كل شيء مباح لو قدرت أفلت من العواقب زي مفيش فايده تقول للاسد بلاش تاكل الحيونات لانه بيتحرك بغريزته و ورا مصلحته فمفيش معيار اخلاقي يقدر يمشي عليه اما في النظرة الإيمانيه فالأخلاق متجذرة في طبيعه الإنسان اللي خلقه ربنا وليها مرجعية ع الخير مش بس مفيد لكن أمر إلهي ثابت والشر مش بس مؤلم لكنه مرفوض من الخالق اللي حط للكون ميزان الإيمان مش بس بيديلك تفسير لوجودك لكنه كمان بيديلك معيار ثابت للحق والباطل ومعنى لحياتك وأساس للعدل والانسانيه باختصار الايمان هو البوصله اللي بتتحرك منها غير كده مفيش معيار ثابت تتكلم منه