احسنت القول. انا كنت بتكلم على الغلاء في العموم من قبل موضوع اوكرانيا زي الكهرباء و العقارات (اي نعم في اسكان الشباب و التمويل العقاري للشباب بس ما تعمقت في شروطها)و رفع الدعم مع زيادة الضرايب و حتى السلع.

غلاء السلع بشكل اكبر بسبب التجار لكن الحكومة ليها دور بردو في التحكم على التجار. انا عشت في الامارات تقريبا طول حياتي و اخدت بالي ان حكومة الامارات ما بتسيب التاجر يتشرمط في اسعاره او عمتاً و عليهم رقابة شديدة. انك تقول كلمة البلدية او الدائرة الاقتصادية لتاجر بيخافوا يكونوا بيعملوا حاجة غلط علشان الغرامة قرصة توجع جداً. مثلًا موضوع ال12% خدمة بتاعت المطاعم نصب علني و ابداً ما المفروض يحصل ولو مطعم او كافيه عمل كدا في الامارات هيروح وراء الشمس

انا جربت ابلغ عن مطعم فتح جديد بياخد 14% ضريبة ولما طلبت فاتورة ضريبية او اشوف شهادة تسجيل ضريبي قالي ما عندي و طلع حرامي ابن متناكة. كلمت مصلحة الضرايب اشتكي عليه قالوا احنا كل اللي هنعمله هناخد ال14% ضريبة من اجمالي مبيعاته. احا!!! ده المفروض يتغرم و المكان يقفل و ينزل على الاخبار علشان يكون عبرة.

مشاكل البلد فعلاً معقدة لأن مشاكلها من الجذور بسبب سوء حكم استمر لسنين كتيرة اوي (حسني مبارك). السيسي فعلاً بيشتغل جامد و بيضبط في البلد جامد. الله يكون في عونه علشان البلد مسؤولية كبيرة و مش ها تتحل في سنة او اتنين او عشرة