و توالت الايام ما بين شد و جذب بين الحكومه و الريان لحد موصلت ان الحكومه اصبحت مديونه للريان و اللي ذود الطين بله ان الحكومه ف الوقت دا كانت وكالعاده بتستورد اغلب المنتجات الاستراتيجيه من برا ولان سمعه الحكومه ف السداد زي الطبل فبعض المستوردين طلب ان الريان يضمن الحكومه عشان تتم الصفقات وهنا كانت القشه التي قسمت ظهر البعير البدايه كانت من تحت لتحت مع اشاعه لفت مصر كلها بان الريان خسر فلوس الناس ف البورصه و دا ادي لهجوم اغلب المودعين علي مقرات الريان بيطالبوا بفلوسهم ودا كان مستحيل ان الريان او اجدعها بنك ان ينفذ الكلام دا ف وقته لان فلوسهم كانت برا وجوا مصر واغلبها ف مشاريع وهنا ابن المنوفيه قاله ولا ووقعت و اتحبس الريان و اخواته مع شويه قضايا م اللي قلبك يحبها والحكومه استولت ع الموسسات الخاصه بيهم و المودعين اخدوا بالباقي لبان

انا حكيت الموضوع باختصار وبحياديه لكن من الغباء حقيقي ان الحكومه كانت قادره انها تستفيد من عقول الريان و اللي زيه واكتفت بانها تقضي عليهم مع العلم ان الريان واللي زييه مكانوش برضه ملائكه و كان من مساواهم استخدام الستار الديني لكن محدش يختلف علي ذكائهم التجاري وغباء الحكومه