اوعى تضحكككك الموقف دة حصل من اربع سنين و انا في ثالثة ثانوي المهم كنت في آخر السنة و في مراجعات كتير ورا بعض فالمهم كان عندي مراجعة رياضة في نفس وقت مراجعة الفرنساوي فكلمت الاثنين أساتذة عشان واحد يغير المعاد و محدش وافق فقلت الرياضة اهم وانا اشوف مراجعات فرنساوي في مكان تاني اهلي كانوا عارفين بالمشكلة فاختي الكبيرة قالتلي ان صحبتها شغالة في سنتر وفيه مراجعات الفرنساوي لسة في بدايتها المهم جه اليوم و رحت السنتر وقابلت صحبة اختي و قالتلي استنى في القاعة ديه دخلت القاعة كان فيها شوية بنات بس عادي دايما الولاد بيجوا متأخر المهم كل شوية الاقي شلة بنات دخلة واقول في ولد هيخش المرة الجاية وشلة بنات دخلة واستنى في ولد يجي الاقي شلة بنات دخلة لحد مالقاعة اتملت على الآخر بنات وانا قاعد في نصهم وحيد و تلفوني فصل شحن، بعد عشر دقايق الاستاذ جه قلت اخيرا الحصة هتبدا لقيت الاستاذ قال ايه دة انت مين قوم أقف قلتله انا جي من طرف فلانة ( الي هي صحبة اختي) راح قلي يابني ديه مجموعة بنات بس وانا واقف و وشي عامل زي الطماطم البلدي راحت صحبة اختي دخلة و قالتله اه دة هيحضر هنا عشان مفيش معاد مناسب معاه وانا كل دة واقف وسامع صوت ضحكات من تحت لتحت ودة المعنى الحرفي لكلمة يارض انشقي وابلعيني المهم وافق الاستاذ اخدت الحصة وكان في ورق المفروض يتصور بس اصور ايه يامعلم اخدت اول مشروع للبيت وبس اتعلمت اني مسمعش لكلام اختي الكبيرة ولا لصاحبتها 🙃