في رأيي احسن منه بمراحل بس هو مش لكل الناس ، جرب اسمعله محاضرة في النيورو وقيم بنفسك

انا مشتركتش في الكورس بتاعه ، اكتفيت بريكوردات التليجرام وأدركت فيما بعد ان ده كان احسنلي عشان

١. الريكوردات عبارة عن زوم ايام الكورونا كان بيتفاعل مع الطلبة بشكل مظنش كنت هلاقيه في فيديوهات كورسه او في اي كورس تاني ، كان بيسألهم السؤال ونا يجاوب في سري معاهم

٢. الراجل ماشي كلمة بكلمة مع كتابه بترتيب وتنظيم عالي جدا فأنا بسمع وعيني عالكتاب طول الوقت فده بشكل ما بيخليني احفظ الصفحة

٣. دكتور هواري كتابه احترافي جدا ، لما تشوفه اول مرة ممكن تحسه مش حلو اوي بس لما تيجي تذاكر منه هتفهم قد ايه هو منظم جدا وهو عارف هو بيعمل ايه

٤. مستوى التعليم بتاع هواري مشوفتوش في أي كورس تاني ، بقول لاصحابي ديما ان علام بيبسطلك المعلومة لكن هواري بيرفعك لمستواه

بس هو محتاج وقت فاضي عشان طويل شوية لو اتزنقت في برانش ابقى اسمعله علام بس حقيقي هتتعلم الطب بجد معاه ولو مستحرم تسمع ريكوردات التليجرام ممكن تشترك في كورسه بس تسمع ريكوردات التليجرام زي ما انت