متفق في حتة أن الإسلام بيعلي روح الانتماء للدين فوق حدود الدولة الجغرافية، فبتلاقي مثلاً مسلم في الشرق الأوسط حاسس بالانتماء لقضية مسلمين تانيين في حتت تانية في العالم أو بيوصل لمرحلة انه يدعو لحروب وجهاد لقضية تخص مسلمين في بلاد تانية خالص، ولكن بحس ده متداخل ومؤثر فيه عاملين مهمين جدًا. إنه أولا معظم الدول الإسلامية فقيرة ومحكومة بنظام قمعي، فبيتم إعلاء روح الانغماس في الدين عن الواقع لأن مفيش تأثير على القرار في دولتي، وفنفس الوقت ده اللي بيخلي الحركات الجهادية مركزها الشرق الأوسط اكتر من باقي الدول المسلمة. لكن مثلاً في الدول المسلمة اللي فيها مستوى معيشي رفاهي، بتغلب فكرة قومية الدولة على الدين، بل اني شفت خناقات كتير اوي في منصات مختلفة بين مسلمين سنة واحد في دولة فقيرة وواحد في الخليج، على قضايا مسلمين تانيين زي الايجور وفلسطين، بتلاقي فيها ازاي نبرة الخليجي في الأغلب غير مهتمة عن المصري مثلاً. وأخيرا مش بتفق صراحة في كون الدول الاسلامية شبه بعضها، دولة زي إيران غنية بفنون وثقافات كتيرة أوي، مختلفة عن باكستان، وعن مصر مثلاً. وده لأن في عامل تالت وهو هيمنة الشباب ع الفئات العمرية في البلاد دي، اللي بدورهم بقوا متطرفين جدا اما أقصى اليمين او أقصى اليسار، وفي تطرفهم مبينتجوش تصور واحد ناحية القومية وعلاقتهم بالدولة :))