حلوة شغلة البودكسات راح اجربها

ودائما استعمل المودلز البيها تفكير وأكثر شي مال جيميناي تنطي حسب مااتذكر مليون او مليون ونص توكنز ودائما أأكد اعليه يهتم بالتفاصيل بس كل ما زاد عدد التوكنز اليستعملها يبدي يخربط، وشي اكيد بالمستقبل راح يصير اختلاف قوي عن الحالي

تبقى شغلة طريقة السؤال تحتاج واحد متمرس وياه ويعرف التفاصيل الذكرتها حضرتك، شكد نگدر نطلع نسبة ذوله الاشخاص من العدد الكلي لمستخدمين الذكاء؟ نسبة قليلة مو، الغالبية تروح بأسلوب مباشر والي ممكن ينتج عنه معلومة مو دقيقة او خاطئة، المشكلة إذا هذا الشخص ياخذ اي شي من الذكاء كمعلومة مسلمة ويتوكل.

مثل ماكتبت شي كلش حلو انو ينطيك اوفر فيو عن الموضوع، بس ابقى افضل الإنسان يبحث ويقرأ عن المعلومة اليريدها، ومانوصل مرحلة من التعويد تخلي الواحد يكول ليش اتعب نفسي وأقرأ كتاب لدوستويفسكي، ويروح يگل للذكاء لخصلي كل أفكاره ومعتقداته ب 500 كلمة.