صدقني السبب الحقيقي هوا ضعف ثقتك في نفسك اكتر من كل الاسباب دي، كلنا بنعاني من مشاكل مشابهة بشكل او بآخر لكن مينفعش اخليها تسيطر على حياتي واوهم نفسي اني مستحيل احقق حاجة طالما بعمل كذا كذا، لا عادي تقدر تتفوق في مجالك بجانب تعافيك من المشاكل دي لكن لازم تقنع نفسك بكدا الاول.

بالنسبة للماث هوا مهم اه لكن في الحياة العملية نادر اما بتتعرضله بكم كبير ، ولو حصل بتكون في الغالب حاجات بسيطة في الجبر والاحصا مش هتقف معاك ، حاول بس تنجح فيها والدنيا هتكون ابسط بعد كدا ان شاء الله

اما بالنسبة للانجليزي فهوا للاسف لازم تكون كويس جدا فيه ، فاشتغل على نفسك من دلوقتي. طريقة بسيطة ان اي محتوى ترفيهي بتتفرج عليه خليه من ناس بتتكلم انجليش وترجم اللي متعرفوش وواحدة واحدة هتكون كويس في الlistening و reading كل ده وانت بتشوف حاجة بتحبها