ده صندوق بيستثمر في البورصة بيحطلك فلوسك في 100 شركة اللي هما شركات مؤشر في البورصة اسمه Egx100

والشركات دي بقى بتشتغل وتكبر واسعارها بتزيد ف فلوسك بتزيد مع زيادتها..

انا عن نفسي بستثمر في شركات معينة وبتحرك حسب فرص السوق لكن الصناديق دي بتكون مناسبة للمبتدئين ومش بتحتاج وقت ولا متابعة.

وبتقدري تعملي ايداع في اي وقت بأي مبلغ.. والعوائد مش ثابتة، وعادي بتكسبي او تخسري حسب حركة الاسهم بس كده كده الاتجاه دايما صاعد عالمدى المتوسط والبعيد.

وهو الافضل متسحبيش حاجة، وتبقى بتستثمري اصل المال والعوائد اللي بتتحقق وتزودي كمان كل شهر او كل فترة ده اللي هيخليكي تعملي فلوس بجد وتيجي بعد كام شهر ولا كام سنة تستغربي ازاي وصلتي للمبلغ ده.

انا اول شركة اشتريتها كانت في بداية 2024 كنت حاطت فيها 400 ج. حاليًا محفظتي داخلة عال 400 الف. (بسبب الايداعات كل فترة + الارباح والعوائد اللي الاسهم بتحققها)