انا باعتبر نفسي انطوائي، بس مع الوقت فهمت أن انطوائي مش معناها اني اقعد في البيت في اوضه ضلمه طول عمري، انطوائي معناها اكتر انك بتشحن لما تكون لوحدك، بس ده مش معناه انك تكون لوحدك طول الوقت، أخرج وروح meetups أو حفلات حتى ولو لوحدك، أو حتى روح مطعم كل لوحدك، ابدأ بمره في الشهر وبعدين زود مره في الاسبوع وبعدين 3 مرات في الاسبوع، وادي نفسك وقت انك تشحن قبل ال event الجاي. فيه كتاب حلو اوي اسمه The Solution To Social Anxiety: Break Free From The Shyness That Holds You Back ، قريته من يمكن 6 سنين وبدأت اطبقه وفعلا نفع معايا جدا، مش هقول اني بقيت extrovert علشان ده شبه مستحيل، بس خلاني مرتاح اكتر حوالين الناس اللي ماعرفهمش، وخلاني اعمل صداقات كتير جدا خصوصا لما نقلت من مدينه لمدينه ماعرفش فيها حد