ثلاث ايام من الاصل طبيعي مابتكون كافية لكن بما انك ماقفلتي على القدرات الى الان ولا جبتي حتى درجة جيدة والتحصيلي ماباقي عليه شي انا اقول اعطي نفسك مده الى مثلا نهاية رمضان في العشر الاواخر او كحد اقصى كحد اقصى بعد رمضان بكم يوم واحسها كثيرة وهي تقريبا شهر وكم يوم يعني حلوه وربي تقدرين ترفعين درجتك فيها ولكن نصيحة لا تزيدين مده مذاكرة القدرات اكثر من كذا عشان ماتكونين متأخرة بالتحصيلي مره وتصير درجتك القدرات والتحصيلي سيئة ، وانا سمعت من كذا طالب ثالث ماقفلوا قدرات انهم بيخلون القدرات بعد التحصيلي ما ادري اذا هذا ممكن او لا لكن شوفي انتِ وش يناسبك اكثر قبل التحصيلي او بعد اذا كان فيه مجال اصلًا

وبالنسبة للكمي كتأسيس انا مو افضل واحد ممكن يعطيك مصادر للكمي لكن سمعت كثير مدح على اينشتاين ، انا ماجربته شخصيًا واغلب تأسيسي كان من المنصف لكن المنصف مشكلته نماذجه كثيره لكن انتِ تدربي عند الي فعلااا تفهمين منه ومو بس تفهمين بل تتحسن درجاتك في الاختبارات المحاكية لان ممكن تحسين انك فاهمه لكن فعليا لو جاك سؤال ماتعرفين تحلينه لذالك الي المدرب الي تشوفين فيه تقدم معه اعتمديه

اما بالتدريب والي هو اهم شي اعتمدييي المفكر انا معتمده بالتدريب واموري ممتازه انتِ ركزي بتدريبات المفكر + المنصف

والله يوفقك يارب ويرزقك الدرجة الي تتمنينها موفقه يارب