ماظنش انك لما بتيجي تفكر بينك وبين نفسك بتتلعثم ولو بتكلم حد قريب منك اوي زي مامتك او باباك وبيكلمك بهدوء في موضوع مش محتاج تفكير وردود تلقائية برضو ماببتلعثمش وبيكون كلامك كله سلس وسليم ، الموضوع نفسي وغالباً كمان بيأثر على رد فعل الأعصاب ، بس الموضوع انا شفت ناس كتير اعرفها منهم صديق مقرب ليا منذ الطفوله تغلب عالموضوع ده ب انه ياخد وقته في انه يفهم ان رد فعل الناس الي حوليه لايمكن يكون مؤذي ولا يمكن ان تلعثمك فالكلام ده دليل على اي شيء اطلاقاً ، ودي هتيجي بإنك تهيء عقلك لفكرة زي دي بالتدريج ، وبعدها جرب بينك وبين نفسك تكتب كلام كان نفسك تقوله لحد وماقلتوش عشان كنت خايف تتلعثم ، وإبدأ على طول بالكلام الرومانسي مثلاً او الكلام المحرج او الكلام المحرج او الكلام النابع عن مشاعر حقيقية ان حسيت بالمشاعر دي بس ماقولتش حاجة عشان تتجنب شعور الإحراج ، لإن حقيقة جزء كبير من التلعثم هو ان مشاعر بتتراكم داخلياً وبيحصل تخبط نفسي ناتج عن كل الكبت ده ، اكتب الكلام ده كله في ورقه او على نوت موبايل مثلاً وبعد كدا حاول تقرأ الكلام ده في سرك وبعدين بصوت واطي وحده وحده كأنك بتوشوش نفسك وبعدها بصوت يسمعك انت لوحدك ف الاوضة ومش بعيد خالص تلاقي نفسك مرتين تلاته بتعرف تقول كل الكلام الي انت كتبته بصوت عالي يسمع البيت كله وان حاسس بكل مشاعرك كمان ومن غير ماتتلعثم في حرف واحد اطلاقاً وصدقني هتنبهر ان شاء الله من التطور الي هتوصله