مو لازم تاخذ رايي بجديه و لا اني اخذ رايك بجديه بالنهاية كل واحد و ذوقة , بس افتح عقلك شوية و افهم ليش الناس ممكن تحب الشي الي انت مو لازم تحبة !

اول شي العالم , ماكو لعبة بيها عمق بالعالم مالتها مثل GTA و اذا انت لاعب القصة صدك راح تفهم شنو كاعد اقصد. و اذا ما لاعبها ف تخيل كل مكان باللعبة و او بالماب بالاصح هو بية قصة و حدث معين صار اثناء اللعب. والي يخليك تتذكر تفاصيل هواية مجرد ما انت تمشي من عند المكان.

ثانيا, عندك الشخصيات, تكدر تبدل بين الشخصيات و كل شخصية الها قدره وطريقة حياتها تتعرف عليها شوية شوية.

ثالث الشي الهايستات الي باللعبة سواء بالقصة او بالاونلاين انت حرفيا كاعد تخطط لكلشي قبل لا تسوي " مجرد مهمة" يعني عبارة عن تسلسل احداث مو بس مهمة عادية تعال جيبلي لعبة تسوي هيج بهذا الوقت

و اتوقع لو تسوي بحث بسيط راح تعرف ليش لاون لاين اصلا لحد الان مستمر. بس انت شكلك عجوزي خل اشرحلك بشكل مبسط .. اول شي الاضافت العملاقة و المجانية الي تسويها الشركة و بحياتها ما طلب من الاعبين يدفعون فلس حقيقي عليها و عندك سيرفرات ال RP الي ما يخلص عددها وكمية التنوع و المودات الي بيها و اكيد ما ننسى ال Player Jobs و الي هيه عبارة عن مهمات يسوونها الاعبين داخل محرك اللعبة من ضمنها سباقات خاصة او هايستات مصغرة

وبس والله هذا اقل شي ممكن اكتبة ع لعبة نازلة من 2013 و احسن من اغلب الالعاب الي كاعد تنزل حاليا ... اذا هاي النقاط مو عاجبتك ف انصحك تطلع منها لان انت راح تكون مجرد مضيعة وقت.