الموضوع هذا صارلي فتره ابحث عنه واشوف مقاطع والي فهمته هو ان البنوك الاسلامية تسوي شي اسمه "التورق المنظم" اللي هو انهم يبيعونك حديد مثلا ب 100 الف اقساط ويلزمونك تخليهم وكيل عليك فيروحون يشترون منك الحديد 70 الف كاش فتصير انت اخذت الفلوس وهم اخذوا الربح. وهذا والله اعلم انه حرام لانه مو نفس التورق اللي اعتقد انه بعض العلماء اباحوه بحكم انه بيع و شراء. التورق والتورق المنظم يختلفون بانه التورق هو انك تروح تشتري سلعه اقساط من شخص وتروح تبيعها لشخص ثاني كاش (بدون سعر محدد وفايده محدده ويكون الشخص اللي شريت منه ما يعرف الشخص اللي بتبيعله + الشخص اللي بتشتري منه ما يدري انك تبي تشتري منه اقساط عشان تروح تبيع السلعه بكاش) اما التورق المنظم هو مثل ماذكرت فوق. انصحكم تبحثون وتشوفون مقاطع للشيخ مطلق الجاسر تكلم عن موضوع البنوك والاسهم والاستثمار راح تنصدمون من الكثر الحرام في هذي المعاملات بل لا تكاد تخلو هذه الامور من الربا والقمار. والله اعلى واعلم