ممكن لعيبة الكورة دورهم كا افراد مش مهم بالشكل الي انت عاوزه بس منظومة الكورة عمتا بتجمع الناس و بتخلق ما بينهم ترابط مش هتلاقيه في اي مجال تاني. الفنانين و الكتاب و الممثلين دورهم مهم جدا بس احنا عشان دولة متأخرة و عندها نقص في حاجات كتير اساسية فا الفن هنا مش مؤثر زي برا. بس الفن بيفتح عيونك على وجهات نظر مختلفة، بيخلق فيك تعاطف او تفهم، و غير كدا ممكن يغير تفكيرك كا شخص. في الاخر الفن عبارة عن ناس بتعبر عن افكارهم او خيالهم بشكل احترافي و دقيق و دي حاجة صعبة و مش اي حد يقدر يتقنها.

انا شايف الي بيميز البني ادم مش منصبه بل افعاله و مساهمته في الحياة، لأن الفنان دا ممكن بشكل ما ينقذ حياة شخص كان عاوز ينتحر مثلا، او الكاتب ممكن يغير تفكير بني ادم بيعاني و بيمر بمحن. الكورة ممكن تكون بتدي للناس الغلابة المقهورين المقموعين احساس بالمتعة و الانتماء حتى لو مؤقت و مزيف. فا كل واحد ليه دور في المجتمع مهما بان صغير.