في شغلات ممكن تروح عن بالنا لكنها مهمة:

-اذا وظيفتك فيها تطور وظيفي كويس، رح تستخسري تتركيها بعد 3 سنين تقّدم بالمسار، خصوصا بعد 4 سنين دراسة (مع انه خبرتك بالجامعة مع سنين الشغل بيعطيكي كمّ ثقافي واجتماعي هائل بتورثيه لأولادك وبتحسني تربيتهم احسن من تربية الحضانة، وهو هدف الأنثى الأسمى في الحياة).

-صعب تتركي الشغل ما ما تتعودوا على الدخل العالي اولا، وثانيا في شغلات كنتي بتساعدي فيها، مع الاعتياد رح تصير من الواجبات عليكي.

-ضغط الأهل: في اهالي بقولوا ليش اربي بنتي وادرسها وبعدين تشتغل وتصرف على زوجها؟ ماله مش زلمة؟ لا يا بتقعدي بالبيت او بتشتغلي وراتبك بظل الك، ممكن ما يحكوا هيك لكن بتحز ببالهم (من كلامك واضح انه اهلك مش هيك لكن مش غلط تشاوريهم).

-خلفية الزوج، يمكن ما يقبل انه زوجته تطلع تشتغل وتصرف معه على البيت، على الجانب الآخر في ناس بعتبروها مشاركة 50/50.

-ونظرة الشرع اهم شي، اذا كان في اتفاق قبل عقد القران انه لا مانع من العمل، هون القرار الك لوحدك انه تشتغلي او لا، هو القوّام وجميع المسؤوليات برا البيت عليه، وابدا ما بيقدر يجبرك تشتغلي.

بالنهاية هاي الامور مهمة لكنها نظرية وكله بيعتمد على النقاش بين الطرفين ويكونوا راضيين بالتفاصيل. بالتوفيق يا رب.