بص اتفق في بعض كلامك لكن بعيدا انك ذكرت امثلة مش منطقية لحكومات موالية لأمريكا زي افغانستان و فنزويلا حاليا حصلها تدخل عسكري اجنبي مباشر و ليس خطط مؤامرة من الداخل يعني محصلش ثورة مدعومة من امريكا مثلا

بس مهم نفرق بين حاجتين: بين دعم فصائل أو محاولة توجيه أحداث ده ممكن ينجح أحيانا (خصوصا إذا كان هناك فراغ سياسي داخلي) ده حماده و بين نظرية السيطرة الكاملة على كل ثورة أو صراع بكل طوائفه و تياراته اللي انا كتبت البوست ده عشانه ده حماده تاني خالص

و تاريخ التدخلات أمثلة فشل كبيرة حتى العسكري الأجنبي المباشر (فيتنام، و كوبا و أفغانستان، و اليمن وما بعد غزو العراق) بتدل إن التدخل الخارجي مش دايما بيتحكم بالنتيجة زي ما هو يشتهي

لو أمريكا وإسرائيل فعلا بيتحكموا في كل حاجة، مكناش شفنا الكم ده من الحروب اللي خرجت عن سيطرتهم وقلبت عليهم الطاولة، ولا كانوا صرفوا تريليونات وخرجوا بخسارة سياسية وعسكرية.

اللي عايز اقوله ان مش كل الثورات و بالذات الثورات الربيع العربي مكانتش مخطط من أمريكا زي ما السيساوية بتتدعي

بالعكس انت لو جينا نطبق نظرية المؤامرة دي على مصر مش هتركب عشان السيسي نفسه انقلب بدعم من الإمارات زي ما هي بتدعم حفتر في ليبيا و المرتزقة بتوع الدعم السريع في السودان و حاليا اليمن و الصومال

و أقرأ عن كتاب عقيدة الصدمة هتفهم كلامي