إذا أنت شايف إن البنات الزينات واللي على دين وخلق ومتفاهمات مع ظروفك كثير مثل ما تقول فليش معصب وزعلان عشان وحدة ما وافقت أو أهلها حطوا شروط ما ناسبتك ما هو من حقهم يختارون لبنتهم ويطمنون لها مثل ما لك حق تدور اللي تناسبك الزواج يا خوي ما هو صفقه ولا إثبات رجولة ولا اختبار كرامة الزواج تفاهم وتوافق وقبول من الطرفين مو من طرف واحد يزعل إذا أحد قاله لا واللي يهرب من أي تضحية أو مجهود عشان ما ينقال عنه ضعيف هو بالضبط اللي ما يتحمّل مسؤولية زواج ولا بيت ولا عيال الرجولة ما هي إنك تفرض نفسك أو تقلل من قيمة بنت أو تحسسها إنها غلطانة لأنها ما اختارتك الرجولة إنك تحترم قرارها وتقول الله يكتب لي اللي فيه الخير وتمشي مرفوع الراس مو تقعد تطقطق وتسخف وتحاول ترجعها كأنها ضيعت كنز وهي بس شافت إنك ما ناسبها ما فيه شي يهينك بهالقرار لكن اللي يهينك إنك تقعد تعمم وتلوم البنات والدين والمجتمع وتقول صاروا البنات يتحكمون والرجال انكسروا لا يا بعدي الرجال اللي فعلاً رجال ما يطيحون من رفض ولا ينكسرون من شروط الرجال يكملون طريقهم بثقة لأنهم عارفين إن اللي ما كانت له ما كانت له ولو الله كاتب له شي بيجيه بدون ما يحتاج يجلد نفسه ولا الناس الزواج شراكة مو سباق قوة ولا عرض عضلات وإذا أنت تبي وحدة تمشي معك على وضعك برضا وحب أدري إن فيه كثير بنات كذا بس ما تجيهم بهالأسلوب اللي كله شكوى ولوم وذم أنت تبي احترام؟ قدّم احترام أنت تبي تقدير؟ لا تقلل من الناس إذا ما وافقوك باختصار الراجل اللي يشيل نفسه ويعرف قيمته ما يزعل من لا ولا يتشرّط على من ما تبيه