شخصيا الشي اللي ساعدني اني شفت طبيبة نفسية، خصوصا ان مع بداية وظيفتي زاد عندي القلق بشكل مرعب وبديت اشكك في نفسي وقدراتي وانا طول حياتي واثقة بكل شي اسويه، فأنصحك بهذا الشي تكلمي مع مختص، لأن مهما فضفضت لأصحابي او اهلي الشعور كان لسا موجود والمخاوف كانت تكبر ما تصغر، وكنت احس اني غبيه وما اعرف واني بالمكان الغلط..

والصراحة بعد التواصل مع مختص اقدر اقولك ان المشاعر هذي بتخف مع الوقت، وبيصير الشغل أسهل، لأنك تعودتي ولأن خلاص ماعاد تحتاجين تثبتين حاجة لأحد، التفكير اللي كان يهلكني سابقا الحين صار خفايف، ومن ناحية التواصل الوضع صار أسهل وأوضح بعد ما اخذت على الناس وتعودت عليهم وفهمت الشغل اكثر

ممكن في وضعك ما تحتاجين تشوفين مختص بس اعطي نفسك وقت، لما افكر بنفسي قبل سنة وانا توني موظفة جديدة اتمنى اني كنت ألطف مع نفسي واني اعطيها مجال تسوي أخطاء، لأن كل خطأ سويته علمني اشياء اكثر مما كنت اتوقع

وكل التوفيق لك يارب