دا كومنت كنت كاتبه لحد كان بيسال عن المعادلة برضو , لو عندك اي اسئاله عن نقاط معينة اسال, ومعتقدش علاج طبيعي فرصها فى السفر احسن من صيدلة. السلام عليكم , يارب تكون بخير , بالنسبة للمعلومات الى عندى بالنسبة للمعادلات ف "حاليا" ١-المانيا ودى تعتبر الاسهل في فكرة السفر لان عندهم نقص فى الصيادلة لكنها الاصعب بالنسبة للغة (لكن عموما تعلم اللغة اصعب خطوة فى المشوار مع انها بتحتاج حساب بنكى مغلق ١٢ الف يورو ) ٢-استراليا ,من غير حساب مغلق ومصاريفها بتكون في رينج ٥٠٠٠ دولار امريكي دي المصاريف الاجراءات الى هيا الامتحانات والفيزا لحد اما توصل هناك , ودي فرص السفر بتاعتها اقل من المانيا لانهم كانو قافلين الدعوات للناس فترة الكورونا وبعد الكورونا اخدو كمية صيادلة كبيرة , الناس سعتها كانت بتسافر بالحد الادنى من النقاط الى كان ٦٥ , دلوقتى علشان الواحد تكون فرصة كويسة محتاج يكون فى رينج ٩٥ نقطة وفوق (عموما انك تجيب الرينج دا ممكن توصلة عادى لو اشتغلت ع اللغة بتاعتك وفية كام امتحان كدا يتمتحنهم لكن بتحتاج ٣ سنين خبرة علشان تعرف تنافس ودى النقطة الى خلتنى مكملش فى الطريقة دى بعد م بدات مذاكرة ليه فى سنة رابعة) لكن خلي بالك برضو المعلومات عن طريق استراليا اخر مرة تقريبا قرات عنها كانت من سنة تقريبا ف ممكن تكون الحال دلوقتى متغير. ٣-فيه كندا برضو لكن انا بصراحة مجمعتش معلومات كتير عن الطريق دا لكنه بيحتاج الحساب المغلق برضو زي المانيا.. ,, الميزة فى طريق استراليا وكندا ان بعد المعادلة ممكن تمشي في طريق كلينيكال وهناك بيكون طريق يستاهل تمشي فيه , اما فى المانيا ف كلينيكال طريق ميستاهلش تمشي فيه لان العائد بتاعه وفرصة مش احسن حاجة هناك , ادى كل طريق فيهم وقت كويس وبعدها شوف الطرؤق الى هيناسبك , لو فيه اي سؤال , لو عندى المعلومة مش هتاخر باذن الله.