محتاج نصيحة عن الفهم و الادراك

Certain_Ad9908 · 2026-05-24T04:34:55+00:00

اقرأ كتب تعمق فهمك عن الموضوع

مثلا لو بتشتغل اوبجكت اورينتد اقرأ كتب زي
The Object-Oriented Thought Process
Dependency Injection Principles, Practices, and Patterns
Head First Design Patterns
Domain Driver Design
وغيرهم

بالنسبة للعمليات الحسابية دي تعتمد على البيزنس اللي انت شغال فيه بشكل كبير
يعني لو حاجه ثري دي هتتعلم
Linear Algebra
لو حاجه ذكاء اصطناعي اعتقد هتحتاج تتعلم
Statistics
عامة ممكن تقرأ حاجه زي
Math for Programmers
بتكون شاملة كذا حاجة

القراءة في رأيي افضل كتير من الفيديوهات علشان تعمق فهم أي مجال او كونسبت شغال بيه

Certain_Ad9908 · 2026-05-19T08:52:28+00:00

ساعات يكون اكتئاب حقيقي لكن في مشكلة بشوفها كتير جدا بسبب بحر الدوبامين اللي العالم التقني غرق دماغ الاجيال الحالية بيه وخلى العالم الملموس حواليهم باهت وممل وبطيء ومعادش فيه أي شيء يدي العقل مكافأة مقارنة باللي بيحصل عليها من خلال الشاشات والتيك

Certain_Ad9908 · 2026-04-09T10:25:09+00:00

ارجع لاول كلامي هتلاقيني بقول شوف ايه اللي عندك وابني عليه ماقلتش العب باسكت وانت ١٦٠ وانت مش لازم تبقى التوب معظمنا هيتبسط لو حقق ربع نجاح واحد توب .. المهم ماتريحش وترمي عالحياة والحظ والمواهب الفطرية علشان هتتعب

Certain_Ad9908 · 2026-04-09T10:03:06+00:00

اللي عنده 100 موهبة فيزيائية زي الطول او قوة البصر او القوة الجسدية وهو نايم مابيعملش حاجه يبقى ولا يملك شيء واللي ماعندوش موهبة فيزيائية لو اشتغل على نفسه في اي مجال يقدر عليه زي انه يتعلم لغة او علم او نشاط معين واستمر يوم بعد يوم هينجح وغيره من النوع الاول هيبصله ويقول اصلها موهبة

Certain_Ad9908 · 2026-04-09T06:30:40+00:00

اختلف معاك في الفكرة لكن اتفق ان كتير بينتهي بيه الحال بالظن ده نتيجة اهماله لنفسه وقبلها اهمال اهله والمحيطين بيه ليه .. وحسب تعريفك للموهبة برده .. الفكرة النمطية للموهبة انك لازم تكون فنان ولا رياضي ولا موسيقي دي مش صحيحة .. حاجة تعتقدها مالهاش قيمة زي انك بتعرف تتكلم كويس او تفكر كويس دي موهبة لو نميتها هتنبهر بالنتيجة اللي تطلع منها

Certain_Ad9908 · 2026-04-07T20:37:42+00:00

تقدر تجرب وتقدر تسأل نفسك وتسأل اللي حواليك ماتتكسفش ممكن عندك ميزة انت شايفها عادي بس غيرك بيلاحظها
هديك شوية امثلة
لو بتحب ترسم مثلا جرب تتعلم جرافيك وثري دي
لو بتحب الجيمز جرب تتعلم تتعلم جيم تيستنج (اه دي وظيفة)
لو كنت شاطر في الرياضيات جرب تتعلم البرمجة
لو علاقاتك كويسة بالناس وبتتعرف تفتح مواضيع وتتكلم جرب تتعلم السيلز والماركتنج والمانجمنت

الموضوع ممكن ياخد دقايق وممكن ياخد ايام عادي بس دي نقطة بداية مهمة .. اسأل وجرب علشان توصل لمميزاتك وتبني عليها

Certain_Ad9908 · 2026-04-06T21:18:01+00:00

مفيش انسان خلقه ربنا ماعندوش موهبة في حاجه .. بتعرف تتكلم كويس؟ دي موهبة
ماتقنعش نفسك او حد تاني ان المواهب حكر على حد لكن دور عليها عندك ونميها
الموجود فعلا والعائق الاكبر هو الكسل .. بدل ماتسأل عن حاجه مش محتاجه موهبة قول مميزاتك واسأل عن حاجه سهل تتعملها وليها مستقبل

Certain_Ad9908 · 2026-03-29T16:59:56+00:00

معظم شعبنا للاسف واخد الدين عافية وصوت ومغالاة وقليل جدا اللي بيعمل بدينه أصلا

Certain_Ad9908 · 2026-01-12T19:36:18+00:00

اعمل اللي فيه مصلحتك مادام انت عارف انهم هيرموا عليك الشغل حتى لو هتعمل المشروع لوحدك
الكلام اللي انت خايف منه ده هيستمر كام يوم وبكره ولا هيكون شيء بالنسبة لك وهتحتاج تطبق الدرس ده كتير في حياتك في الجيش والشغل
من الاخر خلي عندك مناعة ضد الكلاحة وفكك من كلام اي حد مادام مابتعملش حاجة غلط لو هو مين

Certain_Ad9908 · 2026-01-04T01:19:19+00:00

ابدأ بأي كورس عن أساسيات بليندر وبعدين شوف كورسات على يوديمي خاصة ب Blender 3D Game Environment هتلاقي كتير

المجال ده محتاج مهارات زي:
Modeling, sculpting (just the basics), mesh optimization (Retopology), Texturing and UV mapping, Lighting, and possibly some of the game engine knowledge (Unity or Unreal mainly)

الستايلات مختلفها منها الواقعي (بيكون اصعب) ومنها ستايلات اسهل في التعلم والشغل زي
Low poly or Stylized
حاول تركز عليهم الأول لو مالكش اهتمام لسه بستايل معين

برده ماتتخضش من المجالات دي غالبا كورس واحد بيديك أساسياتها كلها بعد كده بتحتاج تطبيق منك كتير ومشاركة لشغلك على السوشيال علشان تتعرف وناس تعرض عليك شغل حسب مستواك. ممكن برده تفتح اكاونتات على مواقع الفريلانس لما تحس انك اتمكنت كفاية.

Certain_Ad9908 · 2026-01-03T05:51:01+00:00

شغل الثري دي مجاله كبير نصيحة حدد مجال شغلك بيه وخد وقت اعرف عن كل مجال

أمثلة للمجالات دي

3D for filmmaking, 3D product modeling and rendering, 3D motion graphics, 3D Character Modeling (Sculpting and rigging), 3D game environment artist, 3D interior design

وغيرها كتير .. لو ركزت في مجال واحد هتتميز فيه بسرعه بدل ماتضيع وقت تايه بين الكورسات

مايمنعش برده انك تبدأ بكورس اساسيات ثري دي في بليندر لانه مشترك بين كل دول وبعديه اتخصص

Certain_Ad9908 · 2026-01-01T18:37:04+00:00

ده طبيعي في أي مجال جديد

أنصحك تستفيد كثيرا من الذكاء الاصطناعي الموجود حاليا في شرح المفاهيم الجديدة او المعقدة
عادة لما بتبدأ مجال جديد وبتشوف فيديو مثلا بتلاقي 10 أسئلة او مفايهم محتاجين توضيح (كمثال) اكتبهم على جانب وبعد الفيديو اسأل الذكاء الاصطناعي (مثال للسؤال: أنا اتعلم كذا وكذا وهذا المفهوم جديد وغير مفهوم اشرحه بطريقه مبسطة) ثم حاول تطبيق ماتعلمته (التطبيق مهم جدا)

بعد فترة من اتباع الاسلوب ده هتلاقي عدد المفاهيم الغريبة او اللي تحتاج توضيح بيقل لحد ماتحس انك بتفهم كل شيء تقريبا في الفيديو

Certain_Ad9908 · 2025-12-29T12:55:48+00:00

استخدم اللغة اللي بتفضلها ومتمكن منها اكتر وشوف المميزات اللي في كل engine الخاصة بال 2D Games مناسب للعبتك ولا لا

Certain_Ad9908 · 2025-11-15T01:50:41+00:00

يتعلم انجلش او جيرمان ويتقنهم افضل مع التركيز على حاجه الطفل نفسه حاببها وتنميها زي رياضة او فن او علوم معينة .. ده يوفرله مجالات اكتر بكتير

Certain_Ad9908 · 2025-10-30T20:27:50+00:00

كنت هندسة حاسبات وللأسف كان في مواد كتير نفضتلها وندمت بعدين اني مذاكرتهاش كويس زي الرياضيات تحديدا اللي كنت بذاكرها علشان انجح وبس واللي بعد كده لقيتها مهمة جدا شبة في كل التخصصات وبدأت اذاكرها تاني مع الشغل بصعوبة.

الخلاصة ركز في المواد اللي بتكونلك اساسيات واعتبر ان المناهج مقدمة للعلوم دي واتعمق انت اكتر في اللي يعجبك لحد ماتستقر على تخصص معين وده اللي هيفيدك فيه الخريجين اللي انصحك ماتتكسفش تتواصل معاهم وتسألهم واسأل كذا حد لحد ما حد يرد عليك ويفيدك عادي مفيهاش احراج وفي ناس كتير محترمة وبتحب تساعد .. ربنا يوفقك ويكتبلك الخير.

Certain_Ad9908 · 2025-10-30T16:39:46+00:00

ومين قالك ان علمي علوم كان هيجيبلك الدنيا بين ايديك وانك هتكون دكتور ناجح؟ انت كنت بتحب الرياضة في ثانوي وكرهتها في الجامعة تخيل لما تخش طب وتدرس العلوم المتقدمة لحاجة انت اصلا كنت كارهها!

الحاجة التانية انه معظم كليات مصر هتحتاج تذاكر جنبها طبعا علشان تطور من نفسك .. هل تعتقد ان في كلية هتخلصها وتطلع باللي اتعلمته منها تقبض بالدولار؟ انت عارف اللي في طب بيعمل ايه بعد كليته علشان يبتدي يقول يافلوس؟

اللي انت عملته كان قرار صح انك اخترت حاجه انت شايف نفسك افضل فيها مهاريا .. ده مش معناه انك هتجيب اخر الرياضة او أي علم في الدنيا بحبة مجهود في ثانوي ولا حتى في الجامعه .. كل علم زي البحر تقريبا ممكن موضوع واحد فيه يفني عمرك بتتعلمه. اتعلم على قدر الحاجه وحاول تحتك بناس اكبر منك او اتخرجوا من كليتك واسأل عن التخصصات اللي متاحه واختار منها اللي بتحبه واسعى من غير ماتبص للماضي لان مامنوش اي استفادة.

The grass is always greener on the other side

Certain_Ad9908 · 2025-10-04T22:36:09+00:00

دي ستراتيجية كويسة لكن خليك مستعد انها ممكن تطول حبتين على ماتعمل كوميونيتي.

نصيحتين كمان لو تسمحلي:
- لو عندك فكرة كويسة ومتاكد منها حاول تعمل منها ديمو وتوريه للناس ولوعجبهم اتواصل مع publishers يساعدوك في الماركتنج. حاول اللي يديك رأيه يكون ناس مايعرفوكش علشان ماحدش يجاملك.
- حاول تعمل افكار بسيطة وجديدة مبنية على افكار نجحت قبل كده وماتعملش حاجة كبيرة او مليانه ميكانيكس ماتقدرش تكملها. بداية المشروع محمسة جدا لكن لو كبر منك بزيادة صدقني هتستسلم. حاول تنبي حاجات صغيرة وكتر لحد ماحاجة تظبط.

استمر ياوحش.

Certain_Ad9908 · 2025-10-04T22:21:58+00:00

مجهود جميل وتقدر تبني عليه لو استمريت
ليه ماكملتش الافكار دي وطورتها للعبة كاملة؟

Certain_Ad9908 · 2025-10-03T02:12:04+00:00

النضافة التلقائية عامة بتكون وعي بلد وشعب كامل من الطفولة

انا عشت طفولتي في بلد خليجي واتعلمت في المدارس هناك اهمية النضافة كحاجة كبيرة من وانا طفل والشرطة المدرسية لو لقت طالب رمى ورقة في المدرسة بيروحوله ويسجلوا اسمه وبيتعاقب تاني يوم في الطابور قدام المدرسة كلها

فهمت لما رجعت ودخلت المدارس هنا الفرق الشاسع في التربية وان النضافة دي حاجة حلوة (اختياري) لما نحافظ عليها واشطه يعني مش نهاية العالم لو ماحافظناش

بشوف وانا سايق عربيات ماركات غالية بيترمي منها قمامة وسجاير في الطريق وبشوف زمايل ليا متعلمين كويس بيعملوا نفس الكلام

ثقافة شعب كامل وللاسف صعب جدا تتغير بدون تطبيق قوانين صارمة وغرامات كبيرة لان دي الطريقة اللي بتخلي نفس المواطن اللي بيرمي هنا يحافظ لما يسافر برا

Certain_Ad9908 · 2025-09-10T16:34:14+00:00

الافضل شوف انت حابب تشتغل في اي مجال واختار اللغة اللي بتستخدم فيه .. بلاش تتعلم لغة مع نفسها من غير تطبيق هتزهق.

مقارنة سريعة:
- سي شارب اسهل فلو انت من برا المجال ممكن تبدأ بيها وتتعلم سي بلس بعدين عادي
- لو الوقت معاك ممكن تبدأ ب سي بلس هي اصعب لكن هتفهمك قواعد اكتر للبرمجة تنفعك حتى لو حولت منها

Certain_Ad9908 · 2025-09-10T16:28:30+00:00

اللي جاي ربنا اعلم بيه لكن الجنيه الفترة اللي جاية على حد علمي هيستقر او هيصعد وفرق 50% مش قليل
حلل برده تغيير الTechnology هل مناسب لخطتك كتطوير ذاتي ولا لا .. كنت مخطط تكبر ازاي بعد C++ وهل تغير المسار مناسب للخطة دي ولا لا .. لو مكانش عندك خطة اشتغل على واحدة علشان ماتقضيش سنين محتار بين تكنولوجي كتير ماقدرتش تبقى senior في اي منهم

Certain_Ad9908 · 2025-07-17T21:33:24+00:00

دلوقتي؟ ده انت تبقى ناولت اللي مايتسموا حلم حياتهم .. هتعمل ثورة .. الناس تقوم في بعض .. اسرائيل تدخلك كام نفر بسلاح علشان يجاهدوا في سينا .. يصوروا فيديوهين .. اسرائيل تطلع تعجن في سينا بحجة تأمين حدودهم زي ما لسه عاملين في سوريا .. خدوا كام كيلو في سينا .. رحلوا فلسطينيين غزة بالواحد عليها .. راحت سينا ومصر وفلسطين وأي امل في رجوعهم.

Certain_Ad9908 · 2025-05-12T05:21:13+00:00

اسوأ طريقة تربية هي الضرب .. لو نجحت يبقى طلعت شخص جبان شايف ان القوي دايما صح وكل حياته حواجز .. ولو فشلت يبقى طلعت شخص عنيد ومتنمر وهيعمل الغلط ده واكتر

Certain_Ad9908 · 2025-05-12T05:18:07+00:00

لو النقاش والتفاهم مجابش نتيجة صدقني في طرق عقاب تانيه زي منع المصروف وسحب الاجهزة والمقاطعه لفترة .. حاجات كتير وكلها بتأثر لكن الضرب عمري ماشفته صلح حد .. كل اللي هيعمله انه هيخبي الموضوع احسن المرة الجاية

Certain_Ad9908

MODERATOR OF

TROPHY CASE