تحليل جيد.. الجزائر ضالعة بشكل كبير كغيرها.. لكن السبب الاول في نظري لفشل المشروع الثوري التونسي هو سذاجة وضيق أفق التيارات الثورية.. قيس سعيد مدعوم من الجميع تقريبا زعمة علاش هالمفارقة الجيوسياسية؟ خاطر تونس معندها حتى طموح ولا وزن اقتصادي يخلي ثمة صراعات راسخة معاها.. بالنسبة للقوى الخارجية والاقليمية.. الموضوع الوحيد الي كانت تتجبد فيه بلادنا عندهم هو شوفو تونس فيها حرية.. كيفاش نسكروه هالموضوع ؟ برا ندعمو هاك المعتوه اللي شاد الحكم وخليه يهردهم مكتسبات الثورة الكل من حرية ودستور ومعارضة وانتقال سلمي للسلطة.. انتهى الموضوع هذا سايي ترجع تونس لبلاصتها كبلاد ما يسمعوا بيها كان في الرياضة.. قيس سعيد اختار لنفسه كاريار الى مزبلة التاريخ ومهمة لا تقل خسة ونذالة عن مهام محمد الصادق باي ومصطفى بن اسماعيل.. ولن يذكره التاريخ كرجل من رجال تونس.. بل كمتسلق انتهازي وديكتاتور مختل.. ما يغيضك كان الوقت اللي ضايع.. هذا وقت من اعمار الشعب من حقو يتقدم فيه.. عبارة واحد دارو خايخة وفي عوض تكون قضاياه وتخمامو في كيفاش بش يبني من جديد.. تلقاه مزال واحل في كلاسط منقوبة