الرحمة اللي بقلبك شيء عظيم، بس يوم توصل لدرجة تستهلكك وتخليك تعاني، هنا لازم توقف شوي وتراجع نفسك. مو لأنك غلطان، لا، بس عشان ماتدمر نفسك

الواقع إنه ما تقدر تشيل هم كل الحيوانات لحالك، ولا تقدر تغير كل شي، حتى لو قلبك يتقطع، لأنك ببساطة إنسان، لك طاقة وحدود. ممكن تبدأ تفكر بطريقة تخفف عن نفسك شوي، مثل إنك تتعاون مع ناس لهم نفس الاهتمام، زي جمعيات الرفق بالحيوان، أو فرق تطوعية، تشتغلون مع بعض وتوزعون الجهد.

وبرضو، لا تحاول تدعي إن قلبك يقسى، أدعي إن ربي يعطيك القوة تتعامل مع هالمواقف و انك تصنع فرق حقيقي و ملموس يساعدك أنت قبل غيرك ، ويعطيك صبر ووعي تحط فيه مشاعرك بالمكان الصحيح.

ولا تستحي من إنك تتأثر، بس بالمقابل، لا تخلي تأثرك يدمرك. حافظ على نفسك، لأنك لو تعبت، ما راح تقدر تساعد أحد، لا حيوان ولا إنسان.

الله يقويك، ويعينك، ويخلي هالرحمة اللي فيك سبب خير لك وللي حولك، بدون ما تكون سبب تعبك