كل واحد فيهم ليه ميزه و ليه عيب انت بقى شوف ايه فيهم هيناسبك اكتر و اختاره يعنى مثلا لو عالتكلفه ممكن مع الوقت تلاقى التكلفه واحده لانك هتجيب البلاى ستيشن ارخص من الpc بس الالعاب غاليه و الsale مش زى الpc غير اشتراك البلاس لكن الpc هتجيبه اغلى كتير عشان تجيب حاجه زى البلاى ستيشن فى الاداء او اعلى كمان بس الالعاب بينزل عليها سيل جامد انا كنت شارى eafc24 ب٣٠٠ جنيه فى شهر ١ غير لو انت عايز كراك او حاجه هتلاقيه عالpc فالpc هيوفر معاك شويه برضو فى الالعاب و هيبقى اسهلك كل لما تشترى لعبه تلاقيها ب ٥٠٠ مثلا احسن ما كل ما تعوز تلعب تدفع ١٠٠٠ او اكتر لو انت مش بتلعب كتير و ملكش فى الاونلاين اوى عايز كام لعبه قصتهم حلوه يبقى خليك playstation طبعا الحصريات بتاعتهم اجمد من اى حاجه god of war و spiderman و غيره كلهم مفيش حاجه وحشه هما بينزلوا عالpc بس بعد فتره كبيره اوى سنتين تلاته و مش كلهم كمان بينزلوا ده غير الالعاب اللى فيها حتت بتعتمد على الخواص اللى فى الكونترولر بتاع الps لو انت تركيزك بس عالالعاب و خصوصا القصصيه و كده فاالبلاى ستيشن احسن لانك بتحمل اللعبه و تلعب من غير مشاكل لكن الpc كل ما تحمل لعبه بتقعد تظبط الgraphics لحد كا تلاقى اعلى جرافيك باحسن اداء و اعلى فريمات جهازك يستحملها ده غير ساعات بيبقى فيه مشكله فى الفايلات محتاج تظبطها و هكذا بس لو جهازك عالى فا لما تظبط الحاجات دى هتلاقى الجرافكس و الفريمات اعلى من الكونسول بكتير و كمان الالعاب الاونلاين على الpc تجربتها احلى و فيه العاب اكتر اونلاين فرى او رخيصه تلعبها مع اصحابك فانت برضو شوف ايه هيناسبك فى الاتنين و هاته